Qazaqstan aýmaǵynda 3 aıdan artyq turyp jatqan, vaksınasıanyń tolyq kýrsyn alǵan sheteldikter de revaksınasıadan ótýi kerek.
QR Bas sanıtar dárigeri Erlan Qıasovtyń revaksınasıa máselelerin aıqyndaıtyn jańa qaýlysy shyqty, dep habarlaıdy Almaty-akshamy.kz
Jańa qaýly boıynsha, Qazaqstan aýmaǵynda 3 aıdan artyq turyp jatqan, vaksınasıanyń tolyq kýrsyn alǵan sheteldikter de revaksınasıadan ótýi kerek. Olar da alǵashqy vaksınanyń tolyq komponentin alǵan kúnnen 6 aı ótkende qaıta vaksınalaýǵa jatady.
«Qazaqstannyń aýmaǵynda 3 jáne odan da kóp aı turatyn, KVI-ge qarsy vaksınasıanyń bastapqy kýrsyn tolyq aıaqtap alǵan shetel azamattaryn qosa alǵanda, barlyq adamdar KVI-ge qarsy revaksınasıaǵa jatady», - dep jazylǵan qujatta.
Sondaı-aq, buryn koronavıýrsqa qarsy vaksınasıanyń bastapqy kýrsyn alǵan júkti áıelderdi revaksınalaý júktiliktiń 16-37 aptasy kezeńinde «Komırnatı» (Pfizer, AQSH) vaksınasyn paıdalana otyryp júrgiziletini aıtylǵan.
«KVI-ge qarsy vaksınasıanyń bastapqy kýrsyn tolyq alǵan KVI-men aýyryp jazylǵan adamdardy KVI-ge qarsy revaksınalaý saýyqqannan keıin 6 aıdan keıin júrgiziledi», - dep jazylǵan Bas sanıtar qaýlysynda.