Zertteýshiler sýretti jaqyndatqanda, kishkentaı qara vırýstyq bólshekterden turatyn isingen kópirshikteri bar jasýshalardyń zaqymdanýy kórsetilgenin túsindirdi.
Gonkong ýnıversıtetiniń mamandary elektrondy mıkroskoptyń kómegimen alynǵan "omicron" koronavırýs shtamynyń sýretin jarıalady, dep habarlaıdy Almaty-akshamy.kz «Izvestıa» saıtyna silteme jasap.
Medısına ǵalymdary, sonyń ishinde patologtar men vırýsologtar, maımyldyń búırek jasýshasynyń SARS-CoV-2 "omıkron" shtamy ınfeksıasymen zaqymdanǵannan keıingi (Vero E6) fotomıkrografıasyn túsirip, sýretti kishkene jáne úlken kólemde shyǵardy.
Bul týraly búgin jarıalanǵan oqý ornynyń málimdemesinde aıtylǵan.
Mıkrosýrette "omicron" coronavirus shtamyn juqtyrǵan maımyldyń búırek jasýshasy kórsetilgen.
Buǵan deıin 27 qarashada ıtalándyq ǵalymdar jańa "omicron" shtamynyń masaq proteıniniń álemdegi alǵashqy beınesin usynǵan bolatyn. Bambino Gesù aýrýhanasynyń ókili mamandar koronavırýstyń jańa mýtasıasyn «qaıta qurastyryp», ony «delta» nusqasymen salystyrǵanyn aıtty.
Sýrette eki shtamnyń eki aqýyzy kórsetilgen. Sonymen, «deltada» 18 mýtasıalanǵan amınqyshqyldarynyń qaldyqtary bolsa, «omıkron» nusqasynda olardyń 43-i bar eken.