Bastaýyn Alataýdyń shyń quzdarynan alatyn ózenniń tazalyǵy tym nashar.
Móldir sý eldi mekenderge jetkende lastanyp, laılanyp ketedi. Oǵan basty sebep adamdardyń sanıtarlyq mádenıetiniń tómendigi. Aǵyn sýǵa turmystyq qaldyq tastaý tyıylar emes, dep habarlaıdy Almaty-akshamy.kz.
24.kz málimeti boıynsha, ózenniń jaǵasyndaǵy jaǵdaı osyndaı. Kúl koqys shashylyp jatyr. Adamdar ádeıi ákelip tastaǵany anyq.Osynyń barlyǵy sýmen aǵyp, aýylǵa barady. Ózende ne joq deısiz; áınek synyǵy, plasık qutylar, kólik dóńgelegi men qalbyrlar. Eń jamany selofan paketter. Paket ózen sýyn bitep qana qoımaı, tabıǵatty lastaıdy. Osynyń barlyǵy ózdiginen sýǵa túspeıtini anyq. Adam kesirinen ózen sýy kún saıyn bylǵanyp, lastanyp jatyr. Aýyl turǵyny Baqytjan Jaqashbaev tabıǵat janashyry. Kóringen jerge mýsor tastap ketýshilermen kúresip keledi. Úıi kópirdiń qasynda. Oıyn balalary velosıpedpen qulap kete bergen soń ózi qorshaý ornatqan. Soǵan qaramastan qasaqana kelip qoqys tógetinder bar deı deıdi.
- Úı jaǵymdy qorshadym osy aryqty taza ustaıynshy dep. Qorshaýdyń ar jaǵyn qazir baryp kórseńizder masqara. Baklashkadan sý kórinbeıdi. Sol tazalyq kerek. Vıdeokamera qoıdym osynda jazý da jazdyq «Mýsor tastamańyzdar dep» sonda da qaramaıdy halyq. Laqtyra beredi. Ózimizdiń tómendigimiz dep oılaımyn osy. Mýsordy tastamaý kerek. Ózińniń turǵan jerińdi taza ustaý kerek, -deıdi aýyl turǵyny Baqytjan Jaqashbaev.
Ózen úıderdiń arasymen aǵyp jatyr. Qotyrbulaqtyń naǵyz qoqysbulaqqa aınalyp ketkenin aýyl turǵyny aýlasyna kirgizip kórsetti. Qorshaýǵa tirelgen qoqysty kórip, tabıǵatqa janyń ashıdy. Al ony jınap jatqan eshkim joq. Bul máseleni Tuzdybastaý aýyldyq ákimdigi mamandarynan suradyq. Mamandar turǵyndardy tazalyqqa shaqyramyz, eskerý jasaımyz. Aptasyna bir ret tazalaý jumysy júredi dedi. Biraq, ózenniń ahýaly aıanyshty aq.
- Anyqtap, aıppul salyp jatyrmyz ustalǵan jaǵdaıda.Vıdeofıksasıa, fotobolǵan jaǵdaıda salyp jatyrmyz. Mýsor tastasa eskertý beremiz, ekinshi ret shtraf salynady, -deıdi Tuzdybastaý aýyldyq okrýgi ákimdiginiń bas mamany Raýan Qýanyshuly.
Ózenniń sýy kóktemde molaısa, jazǵy maýsymda taıazdanyp ketedi. Ol etektegi Qapshaǵaıǵa, odan ári İlege qosylady. Bir ózen úlken ekologıalyq júıeni quraıdy. Sondyqtan onyń tazalyǵyn saqtaý, tabıǵat sıyn qasterleý tabıǵat ana aldyndaǵy qasıetti borysh bolý kerek. Biraq, sony uqpaıtyn, túsinbeıdin adamdar bar. Jalpy ákimshilik quqyq buzý kodeksi boıynsha ruqsat etlimgen jerlerge qoqys tastalǵan derek anyqtalsa, jeke tulǵaǵa jaýapta tartylady. 60 myń teńgege jýyq aıyppul tóleýi múmkin.