Mınıstrler kabıneti bıznes ókilderimen kezdesti.
Onda qosymsha qun salyǵynyń saralanǵan mólsherlemelerin belgileý jónindegi usynystar talqylandy, dep habarlaıdy aqshamnews.kz
«Biz mynadaı tetikti qarastyrýdy usynamyz. Jalpy belgilengen qosymsha qun salyǵynyń mólsherlemesi 16%, aýyl sharýashylyǵy ónimderin óndirýshilerdi tolyq bosatý, al birqatar salalar úshin – 10% mólsherindegi aralyq mólsherleme. Osylaısha, Úkimet usynyp otyrǵan mólsherlemelerdi saralaý: 16%, 10%, 0% jáne bosatý», - dep túsindirdi ulttyq ekonomıka vıse-mınıstri Azamat Ámrın.
Qazirgi ýaqytta agrarlyq sektorda sharýa qojalyqtary qosymsha qun salyǵyn tólemeıtini, al zańdy tulǵalar qolda bar jeńildikterge baılanysty búdjetke tóleýge tıisti salyqtardyń tek 30%-yn tóleıtini atap ótildi. Jańa tetikter boıynsha olardyń eshqaısysy tólem engizbeıdi. Bul qazaqstandyq aýyl sharýashylyǵy ónimderin (kartop, qyzanaq, pıaz jáne basqalary) básekege qabiletti etýge múmkindik beredi.
Al 10% qoldanylatyn salalardyń túrleri bıznespen áli de talqylanýda.