2025 jyldyń 1 qańtarynan bastap jylý aqysy eki kezeńge bólindi.
Almaty turǵyndary jylý tarıfteriniń kúrt qymbattaǵanyna shaǵymdanǵannan keıin, "Almaty jylý júıesi" JSHS jańa tarıfterdi qalaı esepteıtinin túsindirdi, dep habarlaıdy aqshamnews.kz
Kompanıanyń málimetinshe, 2025 jyldyń 1 qańtarynan bastap jylý aqysy eki kezeńge bólindi:
31 jeltoqsanǵa deıin – eski tarıf boıynsha
1 qańtardan bastap – ózgertilgen tarıfpen esepteledi.
Bul eki kezeńniń tólemi “Alseko” túbirteginde bólek kórsetiledi.
Almatylyqtar jalpyúılik esepteý quraldaryna sáıkes, páter aýmaǵyna qaraı toptarǵa bólinip tólem jasaıdy:
1-top – jylytý aýdany 100 m² deıin.
2-top – 100-den 200 m² deıin.
3-top – 200 m² joǵary.
Eger úıde jalpyúılik esepteý quraly bolsa, jylý men ystyq sýǵa turaqty tólem bolmaıdy. Tarıf syrtqy aýa temperatýrasy men naqty tutyný mólsherine baılanysty.
"Eger ótken jyldyń túbirtekterin qarap shyqsańyz, jylý maýsymynda tólemniń aı saıyn ózgerip otyratynyn baıqaısyz", – dep málimdedi "Almaty jylý júıesi" JSHS ókilderi.
Eske salaıyq, 24 qańtarda Qazaqstanda komýnaldyq qyzmetter taǵy qymbattaıtyny belgili boldy. Ulttyq ekonomıka vıse-mınıstri Arman Qasenov úkimette ótken brıfıńte Qazaqstanda elektr energıasyna tarıfteri "aqylǵa qonymdy shekte" qymbattaıtynyn málim etti.