Seısenbide elimizdiń 16 óńirinde daýyldy eskertý jarıalandy, dep habarlaıdy aqshamnews.kz
Astanada túnde jáne tańerteń tuman bolady dep kútiledi.
Túnde jáne tańerteń Ulytaý oblysynyń soltústiginde tuman túsedi.
Kúndiz Qaraǵandy oblysynyń shyǵysynda kóktaıǵaq, túnde jáne tańerteń oblystyń batysynda, soltústiginde tuman bolady dep boljanady. Qaraǵandyda da túnde jáne tańerteń tuman bolady.
Jetisý oblysynda soltústik-shyǵystan jel soǵady, kúndiz Alakól kólderi aýdanynda soqqan jeldiń ekpini - 15-20 m/s.
Túnde jáne tańerteń Atyraý oblysynyń batysynda, soltústiginde tuman túsedi dep kútiledi.
Túnde Túrkistan oblysynyń taýlarynda qalyń qar jaýady dep boljanady. Oblystyń batysynda, ońtústiginde, taýly jáne taý bókterli aýdandarynda jaýyn-shashyn (jańbyr, qar), tuman, kóktaıǵaq bolady. Túnde jáne tańerteń oblystyń soltústiginde, taýly aýdandarynda ońtústik-shyǵystan ońtústik-batysqa oıysa soqqan jeldiń ekpini 15-20 m/s quraıdy. Túrkistanda keı ýaqyttarda jaýyn-shashyn (jańbyr, qar), tuman, kóktaıǵaq bolady dep kútiledi.
Shymkentte keı ýaqyttarda jaýyn-shashyn (jańbyr, qar), tuman, kóktaıǵaq bolady dep kútiledi.
Kúndiz Mańǵystaý oblysynyń batysynda, ońtústiginde, ortalyǵynda kóktaıǵaq bolady dep kútiledi.
Qyzylorda oblysynyń ortalyǵynda, soltústiginde, ońtústiginde tuman bolady dep kútiledi. Túnde oblystyń ortalyǵynda soltústik-shyǵystan ońtústik-batysqa oıysa soqqan jeldiń ekpini 15-20 m/s quraıdy.
Túnde jáne tańerteń Batys Qazaqstan oblysynyń batysynda, soltústiginde, ońtústiginde tuman bolady dep kútiledi.
Kúndiz Almaty oblysynyń shyǵysynda shyǵystan jel soǵady, ekpini - 15-20 m/s. 11-13 aqpanda oblystyń ońtústiginde, taýly aýdandarynda keı ýaqytta tuman, joldarda kóktaıǵaq bolady dep kútiledi. Qonaevta 11-13 aqpanda túnde jáne tańerteń tuman, kóktaıǵaq bolady dep kútiledi.
Almatyda túnde jáne tańerteń 12-13 aqpanda keı ýaqytta tuman, kóktaıǵaq bolady.
Túnde jáne tańerteń Aqtóbe oblysynyń soltústiginde, shyǵysynda tuman bolady dep kútiledi.
Soltústik Qazaqstan oblysynyń batysynda, ońtústiginde tuman bolyp, túnde oblystyń soltústiginde, shyǵysynda, ońtústiginde ońtústik-batystan, batystan soqqan jeldiń ekpini 15-20 m/s, kúndiz oblystyń ońtústiginde, shyǵysynda 23 m/s deıin jetedi. Petropavlda ońtústik-batystan, batystan jel soǵady, ekpini - 15-20 m/s.
Túnde Pavlodar oblysynyń soltústiginde, shyǵysynda jaıaý burqasyn júredi, kúndiz joldarda kóktaıǵaq, oblystyń ońtústiginde tuman bolady dep kútiledi. Oblystyń batysynda, soltústiginde, shyǵysynda ońtústik-batystan soqqan jeldiń ekpini 15-20 m/s quraıdy. Pavlodarda kúndiz kóktaıǵaq bolady.
Abaı oblysynyń soltústiginde, ortalyǵynda jaıaý burqasyn júredi dep kútiledi. Oblystyń soltústiginde, ortalyǵynda ońtústikten, ońtústik-batystan soqqan jeldiń ekpini 15-20 m/s, Jarma aýdanynda 25 m/s deıin jetedi.
Aqmola oblysynyń soltústiginde, ońtústiginde, shyǵysynda jaıaý burqasyn júredi, oblystyń batysynda, ońtústiginde, shyǵysynda tuman bolady dep kútiledi. Ońtústik-batystan jel soǵady, oblystyń soltústiginde, shyǵysynda soqqan jeldiń ekpini 15-20 m/s quraıdy.
Qostanaı oblysynyń batysynda, soltústiginde, shyǵysynda tuman túsedi dep kútiledi. Qostanaıda da tuman bolady.
Kúndiz Jambyl oblysynyń taýly aýdandarynda qar jaýyp, jaıaý burqasyn júredi, oblystyń batysynda, ońtústiginde, taýly aýdandarynda tuman bolady dep kútiledi. Oblystyń ońtústik-batysynda, soltústik-shyǵysynda, taýly aýdandarynda soltústik-shyǵystan soqqan jeldiń ekpini 15-20 m/s, túndegi ekpini 25 m/s deıin jetedi. Tarazda keı ýaqyttarda tuman túsedi.