"Qazaqstan halqyna" qory joǵary oqý oryndarynyń 792 grant ıegeriniń tizimin jarıalady. Bul granttar arnaıy sanatqa jatqyzylǵan abıtýrıentterge qosymsha bólinip otyr, dep habarlaıdy aqshamnews.kz.
"11 qyrkúıekte "Qazaqstan halqyna" qory Basqarmasy 2024 jylǵa arnalǵan bilim granttaryna ıe bolǵan talapkerlerdiń tizimin bekitti. Bıyl qaıyrymdylyq baǵdarlamasy aıasynda 850 grantty bólý úshin 93 joǵary jáne joǵary oqý ornynan keıingi oqý oryndary (JOO) tańdaldy. 2024 jyldyń 1-17 tamyzy aralyǵynda bilim berý uıymdarynyń qabyldaý komısıalary baǵdarlamaǵa qatysýǵa nıetti úmitkerlerdiń ótinishterin qabyldady", delingen qor saıtynda jarıalanǵan habarlamada.
Qujattardyń krıterıılerge sáıkestigin tekserý nátıjeleri boıynsha kelesi sanattar boıynsha bólingen 792 ótinish berýshiniń túpkilikti tizimi qalyptastyryldy:
- 3 ótinish berýshi (0,4%) - 2022 jylǵy qańtar oqıǵasy kezinde qaza tapqan azamattardyń balalary;
- 168 ótinish berýshi (21,2%) - jetim nemese ata-anasynyń qamqorlyǵynsyz qalǵan balalar;
- 149 ótinish berýshi (18,7%) - aýyldyq eldi mekenderdegi, shaǵyn jáne monoqalalardaǵy az qamtylǵan otbasylardan úmitkerler;
- 177 ótinish berýshi (22,4%) – múgedektigi bar azamattar;
- 295 ótinish berýshi (37,3%) - múgedek balalardy tárbıelep otyrǵan otbasynda tárbıelenip otyrǵandar.
"Qazaqstan halqyna" qorynyń bilim berý granty tegin, kúndizgi bólimde oqýdyń barlyq kezeńine bakalavr dárejesin bere otyryp, jylyna 1 mıllıon teńgege deıin joǵary bilim alý qunyn óteıdi. Sondaı-aq grant ıelerine jazǵy demalysty esepke almaǵanda jylyna 10 aıǵa 40 myń teńge mólsherinde aı saıynǵy shákirtaqy tólenedi.
"Qazaqstan halqyna" qorynyń bilim granttary ıegerleriniń tizimimen myna aradan tanysa alasyzdar.