Memleket basshysynyń Jarlyǵymen Qumar İrgebaıuly Aqsaqalov Qostanaı oblysynyń ákimi laýazymyna taǵaıyndaldy.
Tıisti Jarlyqqa búgin Memleket basshysy qol qoıdy, dep habarlaıdy Almaty-akshamy.kz QazAqparatqa silteme jasap.
Búgin QR Premer-Mınıstri Álıhan Smaıylov jumys saparymen Qostanaı qalasyna baryp, Qostanaı oblysynyń barlyq deńgeıdegi máslıhat depýtattarynyń jınalysyna qatysty.
Álıhan Smaıylov depýtattarǵa QR Prezıdentiniń oblys ákimi laýazymyna Qumar Aqsaqalov pen Aslan Janyspaevtyń kandıdatýralaryn qaraýǵa engizý týraly hatyn oqyp berdi.
Qumar Irgebaıuly 1965 jyly týǵan.
1987 jyly V.P.Goráchkın atyndaǵy Máskeý aýyl sharýashylyǵy óndirisiniń ınjenerleri ınstıtýtyn ınjener-mehanık mamandyǵy boıynsha tamamdaǵan.
Ekonomıka ǵylymdarynyń kandıdaty.
1987-1989 j.j. — Qostanaı oblysy Ýrıskıı aýdany «Krylovskıı» keńsharynyń bas ınjeneri boldy.
1989-1991 j.j. — Qazaqstannyń LKJO-nyń Qostanaı oblysy Ýrıskıı aýdandyq komıtetiniń birinshi hatshysy.
1991-1992 j.j. — Qostanaı oblysy Ýrıskıı aýdany «Maıak» keńsharynyń bas ınjeneri.
1992-1993 j.j. — Qostanaı oblysy Qostanaı aýdany «Novoselovka» memlekettik shaǵyn kásipornynyń dırektory.
1993-1996 j.j. — Qostanaı oblysy Qostanaı aýdany «Qostanaı» ǵylymı-óndiristik birlestigi dırektorynyń orynbasary.
1996-1998 j.j. — Qostanaı oblysy Meńdiqara aýdanynyń «Sever» ujymsharynyń tóraǵasy, «Sever» AAQ prezıdenti.
1998-2002 j.j. — Qostanaı oblysy Meńdiqara aýdanynyń ákimi.
2002-2004 j.j. — Qostanaı oblysy Taran aýdanynyń ákimi.
2004-2006 j.j. — Qazaqstan Respýblıkasy Prezıdenti Ákimshiliginiń Memlekettik baqylaý jáne uıymdastyrý jumysy bóliminiń memlekettik ınspektory.
2006-2010 j.j. — Jambyl oblysy ákiminiń orynbasary.
2010-2015 j.j. — «Nur Otan» halyqtyq demokratıalyq partıasy Ortalyq apparatynyń basshysy, «Nur Otan» partıasynyń hatshysy.
2015-2017 j.j. — Qazaqstan Respýblıkasy Prezıdenti Ákimshiligi Basshysynyń orynbasary.
2017 jylǵy 14 naýryzdan bastap Soltústik Qazaqstan oblysynyń ákimi boldy.