Qazaqstandyqtar depozıt ashqanda, teńgeni kóbirek tańdaıdy.
2015 jyldan bastap ulttyq valútadaǵy depozıtterdiń úlesi 24% ten 65%-ke deıin ósken, dep habarlaıdy Almaty-akshamy.kz. Jjtv.kz-ke silteme jasap.
Fınprom.kz portalynyń dereginshe, bıylǵy qyrkúıek aıynyń aıaǵynda halyqtyń ekinshi deńgeıdegi bankterdegi qarjylaı salymdary 14,7 trıllıon teńgeni qurady. Bul rette teńgeniń úlesi basym. Shamamen ol 65%-ten asty. Qalǵan depozıtter shetel valútasyna tıesili. Osydan 7 jyl buryn 76,4%-pen dál osy kórsetkishte kerisinshe, sheteldik aqshanyń salymdary ústemdik qurǵan edi. Al, 2016-shy jyly onyń kólemi tipti 80%-ke deıin jetken bolatyn. Budan bylaı bul mejeden aspaı teńgeniń dáýiri bastaldy.
Qazaqstandyqtar qarjysyn ulttyq valútamen jınaýǵa den qoıa bastady. Ony jón sheshim dep tapqandardyń qatary jyldan-jylǵa artyp keledi. "Oǵan elimizde ekonomıkany dollarsyzdandyrý, monetarlyq saıasattyń tıimdiligin jáne ulttyq valútadaǵy aktıvterdiń tartymdylyǵyn arttyrý men teńgelik salymdardy qorǵaý baǵdarlamasy syndy qabyldanǵan sharalar yqpal etti", - deıdi sarapshylar.