Qostanaı oblysynda jergilikti aýqymdaǵy tótenshe jaǵdaı jarıalandy. Bul týraly Almaty-akshamy.kz Inform.kz-ke silteme jasap.
«Búgingi kúni Qostanaı oblysy boıynsha jergilikti aýqymdaǵy tótenshe jaǵdaı jarıalandy. Oblys ákimdiginiń rezervinen zardap shekkenderge kómek kórsetildi. Bul – eń aldymen, jatyn oryn jáne tamaqtaný. 1 800 adam evakýasıalandy. Mektepterge 200-ge jýyq adam ornalastyryldy. Kóbisi qaýipsizdigin tekserip óz úılerine oraldy, qalǵandary týystaryn panalady», - dep málim etti Qostanaı oblysy ákimdiginiń baspasóz qyzmetinen.
Eske salaıyq, Áýlıekól aýdanyndaǵy alapat órtti sóndirý úshin búgin Semeıden arnaıy ınjenerlik tehnıkalar jiberildi. Sonymen qatar, elimizdiń ár óńirinde gýmanıtarlyq kómek jınaý pýnktileri ashyldy. Olar birinshi kezekte qajetti taýarlar, azyq-túlik, jyly kıim, tazalyq quraldaryn jınap jatyr.
Budan ózge, «Qazaqstan halqyna» qoǵamdyq qory kómek kórsetetinin málimdedi. Al órtten úıleri janyp ketken otbasylarǵa «Halyk Bank» 1 mln teńgeden beredi jáne nesıelerin jabady.