Bul jańalyǵy men jaqsylyǵy kóp, halyq kútken Joldaý boldy. Memleket basshysy Qasym-Jomart Toqaev sanap turyp, negizgi toǵyz máseleni shyǵardy. Barlyǵy búgingi kúnniń ózekti taqyryby ekenin aıta ketken jón.
Eń aldymen, zań máselesin rettep, bir jolǵa qoıý máselesi kóńilden shyqty. Rasynda zań júıesindegi oń ózgeristerdiń paıdasy mol. Odan keıingi másele, áıel adamdardyń zeınetke shyǵý jasy týraly boldy. Osy ýaqytqa deıin bul mólsher birtindep ulǵaıyp otyrǵan. Qazir mine, endi 61 jas dep bekitildi. Bul shynymen búkil Qazaqstan áıelderin qýantqan jańalyq boldy. Óıtkeni osy másele jyl da kún tártibinen túspeıtin. Jalpy alǵanda, osyndaı kókeıkesti áleýmettik máseleler qamtylǵany jurtshylyq oıynan shyqty dep oılaımyn.