Búgin Almaty Mount Fest-2022 baıqaýynyń ekinshi kúni aıaqtaldy. Qatysýshylar úshin uıymdastyrýshylar taý sportynyń eki túrin – «Molodejnyı» shyńynda shyǵý boıynsha alpınıada men skaırannıngti josparlady. Salaýatty ómir saltyn unatatyn 1200 qatysýshy jarystarǵa tirkeldi.
Sonymen «Molodejnyı» shyńynda taýǵa shyǵýǵa 1000 adam, al skaırannıng (jyldam júgirý) jarysyna 250 sportshy qatysty.
Skyrunning uıymdastyrýshylary saıyskerlerge «Shymbulaq 3200» jáne «Vertıkal kılometr». eki qashyqtyqty usyndy. Taýly kýrortpen attas marshrýttyń maksımaldy bıiktigi 3160 mným, al start 2307 mným bıiktikte bastaldy. «Vertıkal kılometrdiń» bastalýy da 2307 mným bıiktikte oryn alsa, eń joǵary bıiktigi 3312 mným boldy. Bul saıysta jeńimpazdardyń esimi anyqtaldy:
«Tik kılometr» - «Áıelder» nomınasıasynda Djoanna Granıka (1 oryn) jáne «Erler» kategorıasynda Kovalenko Bogdan (1 oryn);
«Shymbulaq 3200» - «Áıelder» nomınasıasy boıynsha Avdeeva Ksenıa (1 oryn) jáne «Erler» nomınasıasy boıynsha Janarstanov Erjan (1 oryn).
Tik kılometr boıynsha birinshi oryn ıegerleri SNEG Boutique qonaqúıinde bir kúndik týrǵa joldama alady.
Al «Shymbulaq 3200» qashyqtyǵy boıynsha jeńimpazdaryna (1 oryn) «Eýrazıa» soltústik jaıaý júrý mektebiniń aqshalaı sertıfıkattary tabystaldy.
Bul rette eki jarysta da 2-shi jáne 3-shi oryn alǵan jeńimpazdar «Oı-Qaraǵaı» kompanıalar tobynyń sertıfıkattarymen marapattalady.
«Molodejnyı» shyńyn baǵyndyrý boıynsha alpınıadada qatysýshylar 4147 metr bıiktiktegi shyńǵa jetý jolynda san alýan taýly jerlerden toǵyz myń metrden astam qashyqtyqty eńserdi. Bul jarystyń uıymdastyrýshysy Almaty qalasynyń álpınızm federasıasy boldy. Al shyńdy baǵyndyrǵandardyń barlyǵyna estelik tósbelgi men sertıfıkat beriledi.
«Men 2016 jyldan beri Almatynyń barlyq taý festıvaline qatysyp júrmin. Men Almaty Mount Fest-ke bir márte ǵana qatyspaımyn. Uıymdastyrýshylar ázirlegen alpınıadanyń klasıkalyq baǵyty onymen alǵash ret serýendep júrgen adamdar úshin de yńǵaıly. Mundaı festıválder taýly ólkemizdiń tanymal bolýyna yqpal etedi, sonymen qatar qatysýshylardyń bir-birimen paıdaly aqparat almasýyna jáne sheteldik qonaqtardyń tájirıbesin úırenýine múmkindik beredi. Osyndaı sharalar jıi ótkizilip tursa eken degen nıetim bar, kelesi joly mindetti túrde qatysamyn», - deıdi alpınıadanyń qatysýshysy, taý gıdi Rýslan Mılhaldarov.
5 qyrkúıekte, Almaty Mount Fest-tiń sońǵy kúni uıymdastyrýshylar bıznes-forým ótkizedi. Onda Qazaqstan, Avstrıa, Fransıa, Reseı, Shveısarıa, Ázirbaıjan, Ózbekstan jáne Qyrǵyzstan qatysýshylary men spıkerleri taý kýrorttarynyń damýy men problemalary jaıly talqylaıtyn bolady.
Qosymsha aqparatty festıváldiń www.mountfest.kz saıtynan jáne festıváldiń @mountfest.kz Instagram paraqshasynan ala alasyz.