Bul maqsatqa búdjetten tys basqa resýrs kózderinen qarjy bólinip jatyr.
Demeýshilik kórsetip, qaıyrymdylyq jasap jatqandar kóp. Eki kúnniń ishinde zardap shekkenderge 18 mıllıon tenge tólengen, dep habarlaıdy Almaty-akshamy.kz 24.kz-ke silteme jasap.
183 adamǵa 100 myń tengeden berildi. Materıaldyq kómekti alý úshin aýdandyq komısıaǵa ótinish berý qajet. Onda otbasy músheleriniń sanyn, jeke esep-shotyn kórsetý shart.
«Ótemaqy naýryzdyń 29-nan tólene bastady. Mysaly bir otbasyǵa bir mıllıon 900 myń berildi. Ortasha eseppen ár otbasyǵa 500-600 myń tengeden kelip otyr. Bul qarjyny olar birinshi kezekte turǵyn úı jaldaýǵa, turmystyq qajettilikterin alýǵa paıdalanady», - deıdi qarjy basqarmasy basshysynyń orynbasary Alma Júsipova.