Solaı bola tura, álemde 730 mln adam bir úzim nanǵa zar bolyp, ashtyq azabyn tartýda.
Birikken Ulttar Uıymy keltirgen derekke qaraǵanda, kún saıyn kúlli álem boıynsha bir mlrd taǵam porsıasy qoqysqa tastalady, dep habarlaıdy Almaty-akshamy.kz.
Iaǵnı, álemdegi azyq-túliktiń besten bir bóligi tutynylmaı qoqysqa tastalady. Kúnde. Buǵan mynadaı faktorlar sebep bolýda: - ysyrapshyldyq; josparlamaý (tutyný qajettiligine qaraı shaqtap almaý); azyqty saqtaýda tıisti quraldardyń (tońazytqysh, t.b.) bolmaýy.
Sarapshylardyń esebinshe, ysyrap bolatyn azyqty aqshaǵa shaqqanda jylyna bir trln dollar rásýa bolady. Taǵam qaldyqtarynyń negizgi bóligi úı sharýashylyǵyna tıesili – kúnine qoqysqa tastalatyn br mlrd taǵamnyń shamamen 60%-n quraıdy. Sodan keıingi oryndarǵa qoǵamdyq tamaqtandyrý oryndary (28 paıyz) men bólshek saýda tur – 12%. Osy oraıda bul statısıkalyq málimette tasymaldaý kezinen naryqqa jetkenshe aqaý shalatyn nemese tutynýǵa jaramsyz kúıge túsetin azyq-túlik qamtylmaǵanyn, ıaǵnı, eskerilmegenin aıta ketpekpiz.. Sonyń ózinde adamnyń tóbe shashyn tik turǵyzatyn ysyrapshyldyq oryn alyp otyr.
Jyl saıyn álemde bir adam orta eseppen 79 kelige jýyq taǵamdy qoqysqa tastaıtyny belgili boldy. Sońǵy on bes jyl ishinde Ulybrıtanıa, Avstralıa, Indonezıa, Meksıka jáne Ońtústik Afrıkada azyq-túlik qaldyqtarynyń aıtarlyqtaı azaıǵany baıqaldy. Osylaısha, Japonıa azyq-túlik qaldyqtaryn úshten birine, al Ulybrıtanıa shamamen 18%-ǵa qysqartty.