Qostanaı oblysynda qar aralas jańbyr men kóktaıǵaq saldarynan júrgizýshilerge qıyndyq týdy.
30 qyrkúıek kúni tańerteń Qostanaı qalasy men birneshe aýdanda (Meńdiqara, Fódorov, Qostanaı) jaýyn-shashynnan keıin joldarda birqatar kólik oqıǵasy tirkeldi, - dep habarlaıdy Aqshamnews.kz.
Patrúldik polısıa kúsheıtilgen jumys rejımine kóship, tańǵy 6:00-den 10:00-ge deıin jol jıegine túsip ketken 9 kólikti qaýipsiz jerge shyǵardy. Ásirese, Qarabalyq aýdany baǵytyndaǵy Qostanaı–Almaty–Ekaterınbýrg trassasynda jaǵdaı kúrdeli boldy.
Mysaly, bir ýchaskede Alphard pen Volkswagen júrgizýshileri kólikti basqarýdan aıyrylyp, joldan shyǵyp ketken. Polıseıler men jaqyn mańdaǵy júk kóligi júrgizýshileri olardyń kólikterin qar qursaýynan shyǵaryp aldy.
Qatty jel men qulaǵan aǵashtar da qaýip tóndirip tur. Búginniń ózinde polısıaǵa aǵash qulaǵany týraly 10 shaqyrtý tústi. Abaı dańǵylynda Exeed kóligine, Pavlov kóshesinde JAC kóligine aǵash qulap, zalal keltirgen. Bul faktiler boıynsha materıal jınalyp, sheshim qabyldanatyn bolady.
Polısıa júrgizýshilerge kelesi eskertýlerdi jasaýda:
-
Jolǵa shyǵar aldynda aýa raıy boljamyn tekserý;
-
Qala ishinde jaıaý júrginshiler ótkelderinde jyldamdyqty azaıtý;
-
Taıǵaq jolda araqashyqtyqty saqtaý, kúrt burylmaý;
-
Trassada manóvr aldynda jol jaǵdaıyn muqıat baǵalaý;
-
Aǵashtardyń janyna kólik qoımaý.