Almatynyń qaq ortasynda, Arbat alańynda qalalyq polısıa departamenti ansambliniń konserti ótti.
Ashyq aspan astynda ótken sharada qala turǵyndary men qonaqtaryna klasıkalyq týyndylardan bastap zamanaýı estradalyq shyǵarmalarǵa deıingi úzdik mýzykalyq kompozısıalar usynyldy. Kórermender qatarynda almatylyqtarmen birge sheteldik týrıser de boldy, - dep habarlaıdy Aqshamnews.kz.
Ásirese, "Qaırat" – "Real" fýtbol machyn tamashalaý úshin kelgen jankúıerler konserttiń jyly atmosferasy men áserli oryndaýshylyq ónerin erekshe atap ótti.
- Mundaı is-sharalar – qala turǵyndary úshin rýhanı syı ǵana emes, sonymen qatar el men qalanyń oń ımıjin qalyptastyrýǵa qosqan úles. Almaty ejelden mádenıet ordasy sanalady. Qonaqtarymyz, sonyń ishinde sheteldik jankúıerler, qonaqjaılyq pen dostyq atmosferasyn sezinýi óte mańyzdy. Biz mundaı jobalar jas urpaqty otansúıgishtikke tárbıelep, polısıa men qoǵam arasyndaǵy senimdi nyǵaıta túsetinine senemiz, – dedi Almaty qalasy polısıa departamenti bastyǵynyń orynbasary Ádilǵoja Qusaıynov.
Arbattaǵy mýzykalyq keshter ıgi dástúrge aınalyp keledi. Aldaǵy ýaqytta Almaty PD ansambli qala turǵyndary men qonaqtaryn ásem ónerimen qýanta berýdi josparlap otyr.