Bul bastamany áýejaıdyń ujymy kótergen.
Úkimettiń qaýlysy boıynsha, Qostanaı halyqaralyq áýejaıyna Ahmet Baıtursynulynyń esimi berildi, dep habarlaıdy Almaty-akshamy.kz
Qostanaı oblystyq mádenıet basqarmasynyń basshysy Erlan Qalmaqov atalǵan bastamany ult ustazynyń 150 jyldyq mereıtoıy qarsańynda áýejaı ujymy kótergenin aıtty.
«Bıylǵy Ahmet Baıtursynulynyń mereıtoıy aıasynda respýblıkalyq jáne oblystyq josparlar bar. Búginde kóptegen is-sharalar atqarylyp jatyr. Sonyń bir mańyzdysy — Qostanaı qalasyndaǵy halyqaralyq áýejaıǵa Ahmet Baıtursynulynyń esimin berý týraly sheshim. Bul bastamany kótergen — áýejaıdyń ujymy. Odan bólek, osy usynysty qoǵam belsendileri, zıaly qaýym ókilderi túrli jerlerde aıtyp júrdi. Sondyqtan ol ujymnyń talqysyna salynyp, qoldaý taýyp, tıisti rásimderden ótkizildi. Endi ádilet organdaryna qujat resmı tirkelgennen keıin halyqaralyq áýejaıǵa Ahmet Baıtursynulynyń esimi beriletin bolady», - dedi basqarma basshysy.
Erlan Qalmaqovtyń aıtýynsha, Qostanaı qalasynda ornalasqan birneshe mektep ujymy oqý ordasyna Ahmet Baıtursynulynyń esimin berý usynysyn jasaǵan. Ázirge bul bastamalar zerdelenýde.