Elimizde bir aıdyń ishinde qos azamattyqpen júrgen 91 adam ustaldy.
Ustalǵandar isi qaraý úshin polısıa organdaryna berildi, dep habarlaıdy aqshamnews.kz
2025 jyldyń basynan UQK Shekara qyzmeti ótkizý pýnktterinde bir mezgilde Qazaqstan Respýblıkasynyń jáne basqa memlekettiń azamattyǵy bar adamdardyń shekaradan ótýiniń 91 faktisin anyqtady.
Aıta ketý kerek, 2024 jyly memlekettik shekarada 1190 qos azamattyq faktisi anyqtaldy.
Quqyq buzýshylyqtardyń negizgi bóligi – jaqyn shetel azamattary.
UQK Shekara qyzmeti qazaqstandyq zańnamaǵa sáıkes qos azamattyqtyń bolýy 300 aılyq eseptik kórsetkishke deıin aıyppul salýǵa nemese ákimshilik jolmen shyǵaryp jiberýge ákeletinin eske salady. Budan ózge, qazaqstandyqtardyń basqa memlekettiń azamattyǵyn alýy Qazaqstan Respýblıkasynyń azamattyǵynan aıyrý úshin tikeleı negiz bolyp sanalady.