Baýyrjan Ábdiqaıym Qazaqstannyń jańa rekordyn ornatty.
Almaty qalasynda Naýryz meıramyna oraı ulttyq sport túrlerinen ótken jarysta Qorǵanys mınıstrliginiń áskerı qyzmetshisi Baýyrjan Ábdiqaıym Qazaqstannyń jańa rekordyn ornatty, dep habarlaıdy Almaty-akshamy.kz.
Mınıstrlik málimetinshe, efreıtor B.Ábdiqaıym salmaǵy 50 keli qoshqardy eki saǵatta 2050 ret kóterip, jańa rekord ornatty. Osydan bir jyl buryn Baýyrjan qoshqardy 1600 ret kótergen bolatyn. Jalpy, bul - onyń osyndaı jarystaǵy segizinshi jeńisi.
Sportshy Almatyda uıymdastyrylatyn respýblıkalyq, qalalyq marafondar men iri sporttyq is-sharalarǵa turaqty qatysyp keledi. Al bıyl Otan qorǵaýshy kúnine oraı Almatydan Tarazǵa deıin júgirip jetýdi josparlap otyr.
Efreıtor Baýyrjan Ábdiqaıym Ortalyq sport klýbynda 2017 jyldyń mamyr aıynan komendanttyq vzvodtyń aǵa sarbazy laýazymynda qyzmet atqaryp keledi.