Qozǵalys aralyǵy 13-15 mınýt.
Almaty men Qaskeleń arasynda jańa №230 avtobýs júre bastady, dep habarlaıdy Almaty-akshamy.kz.
Endi jaqyn mańdaǵy eldi mekenderdiń turǵyndary ońtústik megapolıske qoǵamdyq kólikpen qatynaıtyn bolady. Qozǵalys aralyǵy 13-15 mınýt. Bul baǵyttaǵy avtobýstar "Aqsaı-1" yqshamaýdanyndaǵy aıaldamadan qozǵala bastaıdy, odan ári Tóle bı kóshesimen Momyshulyna qaraı júredi, odan keıin Raıymbek dańǵylyna burylady.
Raıymbek dańǵylynyń boıymen Almaty-Bishkek tas jolyna túsip, marshrýt Qaskeleńge burylǵanǵa deıin júredi. Onda Abylaı han kóshesiniń boıyndaǵy avtobýstar qaladan shyǵa beristegi aınalma jolǵa jetedi. Burylystan keıin baǵyt Qarasaı batyr kóshesiniń boıymen qarsy baǵytta júredi.
Marshrýt tańǵy 6-da bastalyp, 23.00-de aıaqtalady. Eki baǵytta da avtobýs 50 shaqyrymǵa jýyq jol júredi.
Aıta keteıik, óńirdegi qoǵamdyq kólik máselesin retteýdi Prezıdent byltyr oblysqa jasaǵan jumys saparynda tapsyrǵan edi.