İshki ister mınıstri Erjan Sádenov qos azamattyq úshin qylmystyq jazany engizýge qatysty óz oıyn aıtty, dep habarlaıdy aqshamnews.kz
Májilistiń búgingi otyrysynda qos azamattyq máselesi kóterildi. Depýtat Bolatbek Nájimedenulynyń aıtýynsha, Qazaqstanda qos azamattyqty jasyryp júrgender az emes. Barlyǵy eki eldiń jeńildikterin paıdalanyp júredi. Al ustalǵandarǵa kóbinese aıyppul ǵana salynady. Biraq olar shetelge qashyp, ákimshilik jaýapkershilikten jaltaryp ketedi.
"Ondaı adamdar Qazaqstan azamaty retinde óz quqyqtaryn biledi, biraq mindetterin oryndamaıdy. Ol - azamat emes, shamadany daıyn turǵan ýaqytsha rezıdent. Sondyqtan qos azamattyq úshin jaýapkershilikti qylmystyq jazaǵa deıin qatańdatý kerek. Al ishki ister mınıstrligi bul bastamany qoldaýǵa daıyn ba?", - dedi Nájimedenuly.
Mınıstr Erjan Sádenov "birlesip jumys isteýge daıyn" ekenin málimdedi.
"Jalpy, durys aıtasyz, olardyń ishinde krımınal da, basqasy da bolýy múmkin. Sondyqtan biz talqylaýǵa daıynbyz. Ózderińiz bilesizder, árqashan sizderdiń usynystaryńyzdy qarap otyramyz. Bul ulttyq qaýipsizdik pen tynyshtyq máselesimen de tyǵyz baılanysty. Sol sebepti, árıne, talqylaýǵa daıynbyz", - dedi mınıstr.