69 kg deıingi salmaqtaǵy qazaq sportshysy fınalda Muhammed ál Sývaıdıden (BAÁ) sońǵy sekýndta jeńisti julyp áketti. Esep 4-2. Bul Qazaqstan delegasıasynyń osy oıyndardaǵy altynshy altyn júldesi.
Baǵana Nurjan jartylaı fınalda álem chempıonatynyń kúmis júldegeri Cho Son-hónnan (Ońtústik Koreıa) basym túsken. Oǵan deıin ne-vaza júıesindegi aıqastarda qazaq sportshysy Ramshed Abdýlloev (Tájikstan) pen Hammam Osama Kandıldi (Saýd Arabıasy) aıqyn basymdyqpen jeńgen.
Osy salmaqtaǵy taǵy bir Ulttyq qurama ókili Aldıar Serik Noa Lımdi (Sıngapýr) jeńip, qola júldege ıe boldy. Erterekte 19 jastaǵy Serik irikteýde Ońtústik Koreıa, Fılıppın, Birikken Arab Ámirliginiń jıý-jıtsý sheberinen basym túsken, alaıda jartylaı fınalda taǵy bir BAÁ-niń atleti Muhammed ál Sývaıdıǵa qosymsha kórsetkish boıynsha ese jiberdi.