Jyl basynan beri Almatyda samokattardyń qatysýymen 25 JKO tirkelgen.
Onyń saldarynan 2 adam qaza tapqan, dep habarlaıdy Almaty-akshamy.kz Polisia.kz-ke silteme jasap.
Almaty joldarynda mopedter men samokattardyń 50 myńnan astamy bar, soǵan sáıkes jol-kólik oqıǵalary da kóbeıgen. Jyl basynan beri samokattardyń qatysýymen 25 JKO tirkelip, 2 adam qaza taýyp, 27 adam jaraqat aldy.
«İshki ister mınıstrligi qabyldaǵan sharalar samokattardyń jumysyna qatysty jaǵdaıdy birshama turaqtandyrýǵa múmkindik berdi: jas shekteýleri belgilendi, qorǵanys quraldaryn mindetti túrde paıdalanýǵa jáne jolaýshylardy tasymaldaýǵa talaptar qoıyldy. Alaıda qaıǵyly oqıǵalar jalǵasyp jatyr. Kúni keshe ǵana samokat aıdaýǵa týysy ruqsat bergen 13 jasar bala qaıtys boldy. Jas jigit jańadan kelgen jáne úlken qaladaǵy kólik qozǵalysyna beıimdelmegen. Saldarynan jasóspirim júk kóliginiń astynda kóz jumdy», – dedi Almaty qalalyq polısıa departamentiniń bastyǵy Arystanǵanı Zapparov.
Polısıa basshysy mopedterdiń jumysyna baılanysty synı jaǵdaıǵa da nazar aýdardy. Jyl basynan beri mopedterdiń qatysýymen 292 jol-kólik oqıǵasy tirkelip, nátıjesinde 14 adam qaza bolsa, byltyr eki adam qaza bolǵan.
«Joǵaryda keltirilgen statısıka negizdi alańdaýshylyqty týdyrady. Samokattar men mopedterdi paıdalanýshylar – jol qozǵalysyna qatysýshylardyń osal sanattarynyń biri. Eger kólikte qaýipsizdik beldigi nemese qaýipsizdik jastyǵy bolsa, onda eki dońǵalaqty kólikterdiń júrgizýshileri men jolaýshylary qorǵansyz. Sondyqtan olardyń qatysýymen bolǵan árbir apat qaıǵyly aıaqtalady. Jol qozǵalysyna qatysýshylardy jol qozǵalysy erejelerin qatań saqtaýǵa shaqyramyn. Ata-ana óz balasynyń qaýipsizdigi úshin tolyq jaýapkershilikti sezinýi qajet: qylmysqa nemquraılylyq tanytpańyz, balańyzdy qorǵańyz, óz úlgińizben zańǵa qurmetpen qaraýdy úıretińiz», – dedi Arystanǵanı Zapparov.