Almatydaǵy Qulja traktindegi jańa jolaıryǵy avtokóliktiń ótý qabiletin 5 esege arttyrady
Almatyda Býhtarmınskaıa kóshesi men Qulja traktisi qılysyndaǵy jolaıryǵy boıynsha 4 jolaqty qozǵalysy bar Býhtarmınskaıa kóshesiniń tonneldi bóligi ashyldy. Joba Buhtarmınskaıa kóshesi boıymen avtokóliktiń ótý qabiletin 15% - ǵa, Qulja traktisi boıynsha 20% - ǵa arttyrýǵa múmkindik beredi. Býhtarmınskaıa kóshesi ýchaskesiniń jalpy qurylys uzyndyǵy 830 m, onyń ishinde tonnel bóliginiń uzyndyǵy – 149.
Almaty ákimdiginiń tapsyrysy boıynsha kólik júktemesin tómendetý, kólik qyzmetiniń sapasyn arttyrý maqsatynda Almaty qalasynyń soltústik-shyǵys bóliginiń júktelgen kólik toraptarynyń tıimdi jumys isteýin qamtamasyz ete otyryp, 2018 jyly Býhtarmınskaıa kóshesi men Qulja traktisi qıylysynda jolaıryǵyn salý jobasy ázirlendi, al 2019 jyly qurylys-montaj jumystary bastaldy.
«Tonnel ashylǵannan keıin jolaıryǵynyń aınalma bóligindegi júkteme azaıady. Búginde tonnel bóligi ashylǵanǵa deıin barlyq kólikter aınalma arqyly manevr jasady, munda júkteme kóbeıip, úlken keptelis paıda boldy. Sondyqtan 2018 jyly osy jolaıryǵyn salý jáne Qulja traktisi, Býhtarmınskaıa kóshesi arqyly ótýdi qamtamasyz etý jáne áýejaıǵa qaraı kólik qozǵalysyn jeńildetý qajettiligi týraly sheshim qabyldandy», - dep atap ótti Almatynyń qalalyq mobıldilik basqarmasynyń basshysy Saǵyndyq Telibaev.
Kólik toraby - bul birneshe jasandy qurylymdardyń jıyntyǵy, olar: Býhtarmınskaıa kóshesindegi tonnel, tireý qabyrǵalar, tireý qabyrǵalary bar estakadalar, sondaı-aq nóldik deńgeıdegi aınalma joldar jáne barlyq baǵyttardaǵy oń jaq sıezer. Eki negizgi baǵyttaǵy jol júktemesin tómendetý kútilýde, olar: Halyqaralyq áýejaıdan Almaty qalasyna jáne qaladan Talǵar men Alataý syndy eldi mekenderge qatynaıtyn kólik qozǵalysy. Qarbalas ýaqytta bul baǵyttardyń júktemesi óte joǵary, sonyń saldarynan úlken keptelister týyndaıdy.
«Túrksib aýdanyndaǵy jolaıryǵyn salý jónindegi iri ınfraqurylymdyq joba 31 qazanǵa deıin tolyq aıaqtalady. Búginde sý qubyry jelilerin abattandyrý jáne qaıta qurý jumystary júrgizilýde. Toraptyń ótkizý qabileti 5 esege jýyq ósedi, ony táýligine 340 myńǵa deıin avtomobıl paıdalana alady», - dedi «Bazis Construction» JSHS merdiger-kompanıasynyń ókili jáne obektiniń basqarýshy dırektory Farız Týtadze.
Búginde osy joba aıasynda Qulja traktisi boıynsha estakadanyń aralyq qurylysyn, Býhtarmınskaıa kóshesindegi tonnel bólikti, sıezer men túıispelerdi salý boıynsha jumystar aıaqtaldy, al bul kólik torabynyń ótkizý qabiletin bes esege arttyrady. Sondaı-aq, sý qubyry jelilerin abattandyrý jáne qaıta qurý jumystary júrgizilýde. Jobaǵa sáıkes, abattandyrýdy eskere otyryp, osy kólik aıryǵynyń qurylysyn tolyq aıaqtaý aǵymdaǵy jyldyń qazan aıynyń sońyna josparlanǵan.
Aıta keterligi, Almatyda búginde úsh jolaıryǵy salynýda, olar: Seıfýllın dańǵyly – Jansúgirov kóshesi (aıaqtalý merzimi - 2024 jyldyń sońy), Saın kóshesi - Móńke bı kóshesi (Mónke bı kóshesi boıynsha qozǵalys 2023 jyldyń sońyna deıin ashylady, nysannyń aıaqtalý merzimi – 2024 jyldyń ekinshi toqsany) jáne Býhtarmınskaıa kóshesi - Qulja traktisi (qozǵalys tolyǵymen ashyq, abattandyrý jumystary qazan aıynyń sońyna deıin aıaqtalady). Olardyń barlyǵy Almatyda kólik aǵyndarynyń júktemesin azaıtýǵa yqpal etedi.
