Ulttyq qaýipsizdik komıtetiniń jedel qyzmetkerleri men shekarashylary Qarjy monıtorıńi agenttigimen birlesip, «Qorǵas» SHYHO-nyń qazaqstandyq bóliginde jumys istegen 8 jasyryn kazıno áreketiniń jolyn kesti.
2024 jylǵy 18 shildede osy áreketke qatysy bar degen kúdikpen 32 sheteldik jáne 6 respýblıka azamaty ustaldy, dep habarlaıdy aqshamnews.kz Ulttyq qaýipsizdik komıtetine silteme jasap.
Tintý barysynda oıyn avtomattary men ústelder, qumar oıyndaryn uıymdastyrýǵa arnalǵan tehnıkalyq jabdyqtar, sondaı-aq kóp mólsherde aqshalaı qarajat alyndy.
Jetisý oblysy boıynsha Ekonomıkalyq tergeý departamenti Qylmystyq kodekstiń 307-baby boıynsha sotqa deıingi tergep-tekserý júrgizýde.
Qylmystyq-prosestik kodeksiniń 201-babynyń 1-bóligine sáıkes ózge de málimetter jarıa etýge jatpaıdy.