Sý aıdyndaryndaǵy demalys polısıa qyzmetkerleriniń nazarynda.
Kúndelikti reıdter azamattarǵa qaýipsizdik sharalaryn eske salýǵa kómektesedi, dep habarlaıdy aqshamnews.kz Polisia.kz-ke silteme jasap.
Taldaý kórsetkendeı, jaz mezigilinde sý qoımalarynda oqys oqıǵalardan qaza tabatyn balalardyń sany artady. Jyl basynan beri 85 adam sýǵa ketken, onyń ishinde 35 bala bar (6 aı ishinde). Qaıǵyly jaǵdaılar balalardy qaraýsyz qaldyrý men sýǵa túsýge jabdyqtalmaǵan jerlerde shomylý saldarynan oryn alyp jatady. İshki ister mınıstrligi ákimdiktermen jáne Tótenshe jaǵdaılar mınıstrligimen birlesip, sý aıdyndarynda qaýipsizdikti qamtamasyz etý jóninde sharalar qabyldap jatyr.
Aıta ketetini, zańnamada tyıym salynǵan jerlerde shomylǵany úshin ákimshilik jaýapkershilik qarastyrylǵan. Jyl basynan beri bul úshin eki myńǵa jýyq quqyq buzýshy jaýapqa tartyldy. Jazataıym oqıǵalardy boldyrmaý úshin tártip saqshylary turǵyndarǵa arnaıy jabdyqtalǵan oryndarda shomylýǵa keńes beredi.