«Qorǵas» shekara mańy yntymaqtastyǵy halyqaralyq ortalyǵynyń jumysy qaıta jandanady.
Esterińizge sala keteıik, pandemıa bastalǵaly beri onyń jumysy toqtap turǵan. Bul týraly Jetisý oblysy ákimdigi málim etti, dep habarlaıdy Almaty-akshamy.kz Ulysmedia.kz-ke silteme jasap.
«Ózderińiz biletindeı, «Qorǵas» SHYHO álemdegi epıdemıologıalyq jaǵdaıǵa baılanysty jumysyn toqtatqanyna 3 jyldan astam ýaqyt ótti. Osy úsh jyl ishinde Basqarýshy kompanıa Ortalyqtyń qyzmetin jaqsartý jáne barlyq bıznes-prosesterin jańǵyrtý boıynsha aýqymdy jumystar atqardy», - delingen habarlamada.
Vedomstvonyń aqparatyna sáıkes, atalǵan ortalyq 24 sáýirden bastap jumys bastaıdy.
Aıta keteıik, «Qorǵas» ortalyǵynda Qazaqstan men Qytaı taraptarynyń ókilderi saýdamen aınalysady. Ondaǵy saýda oryndarynda baǵa naryqtan birneshe ese arzan bolǵandyqtan, ortalyqqa aǵylýshylar kóp bolatyn.