QR Premer-Mınıstriniń orynbasary – Qarjy mınıstri Erulan Jamaýbaev keden salasyndaǵy kemshilikterdi joıý baǵytyndaǵy is-qımyldar jaıynda túsinik berdi, dep habarlaıdy Almaty-akshamy.kz QazAqparatqa silteme jasap.
«Byltyr Prezıdent Qasym-Jomart Kemeluly Toqaev keden salasyn retke keltirý jóninde tapsyrma berdi. Bul salada kóptegen zań buzý derekterin anyqtadyq. Bas prokýratýra jáne basqa da quqyq qorǵaý organdarymen birlesip jumys tobyn qurdyq. Osy oraıda barlyq anyqtalǵan faktiler quqyq qorǵaý organdaryna berildi», - dedi E. Jamaýbaev Májiliste tilshiler suraǵyna jaýap bere otyryp.
Onyń aıtýynsha, qazir tısti tergeý amaldary júrip jatyr. Kezinde tólenbegen qarajat búdjet paıdasyna óndirilgen.
«Byltyr bul salada zań talaptaryn buzǵandardan 50 mlrd teńgege jýyq qarajat óndirildi. Bul rette zańdy buzǵan birneshe operator anyqtaldy. Atap aıtqanda, 15-ten astam ekonomıkalyq operator bolǵan. Olardyń naqty qaısylaryna qatysty qylmystyq is qozǵalǵanyn jáne naqty qarajat somasy boıynsha quqyq qorǵaý qurylymdarynan alýǵa bolady», - dedi E. Jamaýbaev.