Burynǵy qorǵanys mınıstri Rýslan Jaqsylyqov jańa qyzmetke taǵaıyndaldy, dep habarlaıdy aqshamnews.kz
Memleket basshysynyń ókimimen Rýslan Fatıhuly Jaqsylyqov Qazaqstan Respýblıkasy Qaýipsizdik Keńesi Hatshysynyń birinshi orynbasary laýazymyna taǵaıyndaldy, – dep jazylǵan Aqordanyń resmı aqparatynda.
Rýslan Fatıhuly Jaqsylyqov (4 naýryz 1966 jyly týǵan, Qaskeleń, Almaty oblysy) — Qazaqstannyń memleket jáne áskerı qaıratkeri, general-polkovnık, pedagogıka ǵylymdarynyń kandıdaty, 2022 jylǵy 19 qańtardan bastap Qazaqstan Respýblıkasynyń Qorǵanys mınıstri.
I.S.Konev atyndaǵy Almaty joǵary jalpy áskerı ýchılıshesin (1987), M.V.Frýnze atyndaǵy Áskerı akademıany (1996), RF QK Bas shtab Áskerı akademıasynyń Joǵary akademıalyq kýrsyn (2004) bitirdi. Áskerı ýchılısheden keıin motoatqyshtar jáne barlaý vzvodynyń, rotasynyń komandıri, Almaty qalasy áskerı bólim barlaýshylarynyń bastyǵy. 4 qyrkúıek 2008 jyly– Qazaqstan Respýblıkasy İİM İshki áskerler qolbasshysy. 22 qańtar 2013 jylǵy – Qazaqstan Respýblıkasy İİM İshki áskerlerdiń bas qolbasshysy. 2014 j. - general-leıtenant ataǵyn alyp, Qazaqstan Respýblıkasy Ulttyq ulanynyń Bas qolbasshysy mindetin atqardy. 19 qańtar 2022 jyly — Qazaqstan Respýblıkasy Prezıdentiniń Jarlyǵymen Qazaqstan Respýblıkasynyń Qorǵanys mınıstri bolyp taǵaıyndaldy.