QR Qorǵanys mınıstrligi "Qazaqstan Reseıge áskerı tehnıkalar jónelte bastady" degen daqpyrtty joqqa shyǵardy, dep habarlaıdy Almaty-akshamy.kz Zakon.kz-ke silteme jasap.
StopFake-tiń málimdeýinshe, áleýmettik jeli men messendjerlerde 2023 jyly 6 sáýirde Qaraǵandy oblysynda áskerı tehnıkany tıep áketip bara jatqan aýyr júk kólikteri túsirilgen vıdeo taraǵan. Vıdeo avtory olardy Reseıge jóneltý úshin áketip bara jatyr dep topshylaıdy.
Bul dolbardy QR Qorǵanys mınıstrligi joqqa shyǵardy.
"Áleýmettik jelilerde taraǵan qazaqstandyq áskerı tehnıkany Reseıge jóneltý týraly aqparat shyndyqqa janaspaıdy. Áleýmettik jelilerde taralǵan vıdeoda kórsetilgen tehnıka jaýyngerlik daıarlyq boıynsha josparly oqý-jattyǵýlardan keri qaıtarylýda. Aıta ketsek, 2022 jyly 27 tamyzdan bastap Qazaqstanda qarý-jaraq pen áskerı tehnıkany eksporttaýǵa tyıym salynǵan", – dep habarlady vedomstvodan.