Monıtorıń negizinde úsh usynym ázirlengen
Jergilikti kásipkerler úshin jerdi sýǵarý arzanǵa túsedi. Memleket basshysynyń adal bıznesti memlekettik organdar tarapynan zańsyz aralasýdan qorǵaý jónindegi tapsyrmalaryn iske asyrý sheńberinde sybaılas jemqorlyqqa qarsy qyzmet júıeli jumys júrgizýde, dep habarlaıdy Almaty-akshamy.kz.
QR Sybaılas jemqorlyqqa qarsy is-qımyl agenttiginiń Almaty oblysy boıynsha departamentiniń málimetinshe, kásipkerlerge bıznestiń damýyna kedergi keltiretin ákimshilik kedergiler men jasandy áýre-sarsańdardy joıý esebinen praktıkalyq kómek kórsetýge erekshe kóńil bólinedi.
"2023 jyly 6 sáýirde QR Sybaılas jemqorlyqqa qarsy is-qımyl agenttiginiń Almaty oblysy boıynsha departamentiniń qyzmetkerleri jáne Eńbekshiqazaq aýdanynyń ákimdigimen, aýyl sharýashylyǵy basqarmasymen, D. Qonaev atyndaǵy Úlken Almaty kanaly "Qazsýshar" fılıalymen ırrıgasıalyq jeliler salasynda júrgizilgen sybaılas jemqorlyqqa qarsy taqyryptyq monıtorıń usynymynyń oryndalýyn talqylaý boıynsha óńir sharýalarymen kezdesý ótkizdi", - delingen habarlamada.
Irrıgasıalyq jelilerdiń qyzmet salasyna júrgizilgen monıtorıń negizinde 3 usynym ázirlengen bolatyn:
1. barlyq sýarý jelilerin onyń teńgerimine bere otyryp, Almaty oblysynyń sý sharýashylyǵynyń biryńǵaı operatoryn qurý, aýyl sharýashylyǵy taýaryn óndirýshilermen kelisim boıynsha biryńǵaı tarıfti bekitý jáne arnalardy kútip ustaý jónindegi mindetterdi aıqyndaý;
2. Prokýratýramen, Tabıǵı monopolıalardy retteý Komıtetiniń Departamentimen jáne oblystyń memlekettik kirister departamentimen birlesip ÁKK qyzmetinde tekserýge bastamashylyq etýge;
3. D. Qonaev atyndaǵy Úlken Almaty kanaly "Qazsýshar" fılıalymen birlesip, onyń múmkindikterin taldaýdy eskere otyryp, a.j. sýarmaly sý berý boıynsha sharýa qojalyqtarymen tikeleı sharttar jasasýdy qamtamasyz etý.
Sybaılas jemqorlyqqa qarsy qyzmettiń usynymdary negizinde Almaty oblysynyń "Almaty oblystyq Sý sharýashylyǵy" komýnaldyq kásiporny túrindegi biryńǵaı Sý sharýashylyǵy operatory quryldy, onyń balansyna barlyq sýarý jelileri (shamamen 680 km) berildi.
D. Qonaev atyndaǵy Úlken Almaty kanaly 2023 jylǵa 1 sharshy metri úshin belgilengen tarıfpen 0,7 teńgemen sharýa qojalyqtarymen tikeleı shart jasaı bastady.
Aıta ketý kerek, buǵan deıin Úlken Almaty kanaly men sharýalar arasynda sharýalarǵa sý beretin aýylsharýashylyq kooperatıvteri bolǵan. Olar 1 gektarǵa sýdy 20 000 – 28 000 teńgeden satyp kelgen, bul ortasha eseppen buǵan deıingi tarıftiń 1 sharshy metri úshin 2 teńgeden asqanyn bildiredi.