40 kýrsantty oqýǵa qabyldaý josparlanyp otyr.
Qorǵanys vedomstvosy Memleket basshysynyń Qarýly Kúshterdiń kadrlyq áleýetin arttyrý tapsyrmasyn iske asyrý sheńberinde áskerı dárigerlerdi daıarlaýdy uıymdastyrdy, dep habarlaıdy Almaty-akshamy.kz.
«Qazaqstan áskerine medısına mamandaryn Aqtóbedegi Áýe qorǵanysy kúshteri áskerı ınstıtýtynyń áskerı-medısına fakúlteti, Sankt-Peterbýrgtegi Áskerı-medısına akademıasy jáne Erevan memlekettik medısına ýnıversıtetiniń áskerı-medısına fakúlteti daıyndaıdy. Bıyl oqý oryndaryna 40 kýrsantty oqýǵa qabyldaý josparlanyp otyr», - delingen Qorǵanys mınıstrliginiń baspasóz qyzmetiniń habarlamasynda.
Sonymen birge, Sankt-Peterbýrgtegi Áskerı-medısınalyq akademıa uldardy da, qyzdardy da oqýǵa qabyldaıtynyn atap ótý kerek.
Oqý barysynda kýrsanttar tolyqtaı memleket tarapynan qamtamasyz etiledi.
Oqýdy aıaqtaǵan bolashaq áskerı dárigerlerge «leıtenant» áskerı ataǵy beriledi. Jas mamandarda Qarýly Kúshterde áskerı qyzmet ótkere otyryp, ınternatýrada oqýyn jalǵastyrýǵa múmkindik bar.
Áskerı oqý oryndaryna túskisi keletin talapker bıylǵy jyldyń mamyr aıynan keshiktirmeı, turǵylyqty jeri boıynsha jergilikti áskerı basqarý organdaryna habarlasýy qajet.