Qazaqstan azamattary vızasyz nebári 34 elge bara alady.
Pasport kúshin baǵalaıtyn reıtıńte Qazaqstan ındeksi – 82. Indeks neǵurlym joǵary bolsa, eldiń pasporty soǵurlym myqty bolady. Qazaqstan azamattary 34 elge vızasyz bara alady, 48 elge barǵan soń vıza ashtyra alady, 116 elge tek tıisti vızamen kire alady, dep habarlaıdy Almaty-akshamy.kz Elorda.info-ǵa silteme jasap.
Indeksti esepteýge pasporttardyń utqyrlyǵy (MS), vızasyz rejım (VF), kelý vızasy (VOA), eTA jáne eVisa (eger 3 kún ishinde berilse) jáne adamnyń damý ındeksi qarastyrylady. Reıtıńke BUU-ǵa múshe 193 el, Qytaıdyń alty aýmaǵy: Taıvan, Makao (Qytaı OAR), Gonkong (Qytaı OAR), Kosovo, Palestına aýmaǵy jáne Vatıkan qatysty.
Álemdegi eń kúshti tólqujat — BAÁ azamattarynda. Olarǵa 110 elde – vızasyz rejım, Al 53 eldiń vızasyn barǵan soń ashtyra alady. Reıtıńtiń sońǵy ornynda – Aýǵanstan. Vızasyz rejım – tek tórt elge. 31 elde vızany baryp alýǵa bolady.
TMD elderi arasynda Ýkraına, Moldova, Reseı jáne Belarýs azamattarynyń pasporttary Qazaqstandyqtardyń pasporttaryna qaraǵanda kúshti bolyp sanalady. Ázerbaıjan, Armenıa, Qyrǵyzstan, Ózbekstan, Tájikstan jáne Túrkimenstannyń pasporttary qazaqstandyqtardan tómen.
Esterińizge sala keteıik: 2021 jyly Qazaqstanǵa 11 myń adam kóship keldi — bir jyl burynǵyǵa qaraǵanda 4,1% az. Sonymen qatar elden ketkender sany bir jylda 10,6% (32,2 myń adam) ósti. Azamattardyń kópshiligi Qazaqstanǵa Ózbekstannan keldi: 4,2 myń adam.
Kóshbasshylar úshtigine Reseı men Qyrǵyzstan kirdi. TMD quramyna kirmeıtin elderden Qazaqstanǵa eń kóp kelgender Qytaıdan, Túrkıadan jáne Aýǵanstannan. Eń kóp emıgrant QR-dan Reseıge ketti: 2021 jyly 26,7 myń adam – bir jyl burynǵyǵa qaraǵanda 6,1% artyq. TMD elderi arasynda qazaqstandyqtar arasynda emıgrasıanyń basqa da tanymal baǵyttary – Belarýs pen Ózbekstan. TMD quramyna kirmeıtin elder arasynda QR-dan Germanıa, Polsha jáne AQSH-qa jıi kóshedi.
Alaıda qalyptasqan geosaıası jaǵdaıǵa baılanysty bıyl Qazaqstannan jáne Qazaqstanǵa kóshi-qon aǵyny túbegeıli ózgerýi múmkin.