Búginde "Jańa Qazaqstan" ıdeıasy aıasynda Qarýly kúshter jańarý men jańǵyrtý iske asyrylýda
Qorǵanys vedomstvosynyń basshysy general-leıtenant Rýslan Jaqsylyqov Semeı, Aıagóz jáne Úsharal garnızondaryna jumys saparymen bardy, dep habarlaıdy Almaty-akshamy.kz.
Mınıstr Memleket basshysy Qasym-Jomart Toqaevtyń armıanyń jaýyngerlik qabiletin túbegeıli arttyrý jónindegi tapsyrmalarynyń oryndalýyn tekserdi.
«Shyǵys» óńirlik qolbasshylyǵy áskerleriniń qolbasshysy general-maıor Qýanyshbek Úshtaev «Batyl toıtarys – 2022» strategıalyq oqý-jattyǵýyna baǵynysty quramalar men áskerı bólimderdiń jumyldyrylyp, oqý-jaýyngerlik tapsyrmalardy oryndaý úshin elimizdiń basqa óńirlerine jiberilgeni týraly baıandady.
Mınıstr Qarýly kúshterdiń Joǵarǵy Bas qolbasshysy Qasym-Jomart Toqaevtyń áskerdiń jaýyngerlik qabiletin túbegeıli arttyrý jónindegi tapsyrmalarynyń oryndalý barysyn tekserdi.
«Shyǵys» óńirlik qolbasshylyǵy áskerleriniń qolbasshysy general-maıor Qýanyshbek Úshtaev "Batyl toıtarys – 2022" strategıalyq oqý-jattyǵýynda oqý-jaýyngerlik tapsyrmalardy oryndaý úshin elimizdiń basqa óńirlerine jiberilgen barlyq áskerı bólimder men quramalar týraly baıandady.
Búginde "Jańa Qazaqstan" ıdeıasy aıasynda Qarýly kúshter jańarý men jańǵyrtý iske asyrylýda.
Qorǵanys mınıstri óńirlik qolbasshylyqtyń polıgondary men oqý alańdarynda ótip jatqan áskerlerdi baqylaý tekserisiniń barysymen tanysty.
Áýe qorǵanysy kúshteriniń áskerı bólimderinde komandırler avıasıa men áýe shabýylyna qarsy qorǵanys quraldarynyń jaýyngerlik kezekshilikti atqarý tártibi týraly baıandady.
«Qaýipsiz el» ulttyq jobasy men Memleket basshysynyń oq-dárilerdi qaýipsiz saqtaýdy qamtamasyz etý jónindegi tapsyrmalaryn iske asyrýǵa erekshe nazar aýdaryldy. Qorǵanys vedomstvosynyń komısıasy áskerı bólimderdiń ınfraqurylymyn, áskerı obektiler men qoımalardyń dıversıaǵa jáne órtke qarsy qaýipsizdigin tekserdi.
Budan basqa, general-leıtenant Rýslan Jaqsylyqov Memleket basshysynyń Semeı qalasyndaǵy qorǵanys-ónerkásip keshenin qaıta júkteý jónindegi tapsyrmasy aıasynda Indýstrıa jáne ınfraqurylymdyq damý mınıstrliginiń «Qazaqstan ınjınırıń» aksıonerlik qoǵamynyń kásiporyndaryna bardy.
«Semeı mashına jasaý zaýyty» jáne «Semeı ınjınırıń» aksıonerlik qoǵamdarynyń dırektorlary Qarýly kúshter úshin áskerı tehnıkany kúrdeli jóndeý jáne jańǵyrtý jumystarymen tanystyrdy. Otandyq qorǵanys-ónerkásip kesheni kásiporyndarynyń basshylyǵymen yntymaqtastyqty odan ári damytýdyń basym baǵyttary talqylandy.