11 sáýirden bastap Qazaqstan Qyrǵyzstanmen, Ózbekstanmen jáne Reseımen qurlyq shekarasy boıynsha shekteýlerdi alyp tastaıdy, dep habarlaıdy Almaty-akshamy.kz COVID-19 taralýyna jol bermeý jónindegi VAK-qa silteme jasap.
Qazaqstan Respýblıkasynyń aýmaǵynda koronavırýstyq ınfeksıanyń taralýyna jol bermeý jónindegi vedomstvoaralyq komısıa bul týraly sheshimdi 6 sáýirde qabyldady.
«Erteń, 11 sáýirden bastap dos-jaran, týystary men jaqyndarymen uzaq ýaqyt boıy qaýyshpaǵan adamdar ótkizý beketterin shekteýsiz kesip óte alady. Sondaı-aq, Qazaqstannyń memlekettik shekarasyn áýeqatynasy arqyly kesip ótýge belgilengen barlyq shekteýler alynady»,-delingen habarlamada.
Biraq este saqtaý kerek! PTR ádisimen COVID-19 zertteýiniń teris nátıjesi bar anyqtamany nemese qazaqstandyqtar men Qazaqstan Respýblıkasy aýmaǵynda turýǵa yqtıarhaty bar shetel azamattary, vaksınasıa pasporttaryn ózara tanýy bar bolǵan kezde shetel azamattary vaksınalaý, revaksınalaýdyń tolyq kýrsynan ótkendigin rastaıtyn qujat/tólqujatty mindetti túrde usyný jónindegi talap saqtalady.