Shýchınsk qalasynda Qorǵanys mınıstri kolej kadetterimen kezdesti
Jumys sapary barysynda qorǵanys vedomstvosynyń basshysy, general-polkovnık Rýslan Jaqsylyqov Petropavl, Shýchınsk garnızondarynda boldy, dep habarlaıdy Almaty-akshamy.kz.
Petropavlda ol Soltústik Qazaqstan oblysynyń ákimi Aıdarbek Saparovpen birge baılanys jáne radıoelektrondyq kúres quraldaryn jetkizý men jóndeýdi júzege asyratyn S.M. Kırov atyndaǵy zaýytta, sondaı-aq aýyr mashına jasaý zaýytynda boldy. Onda mınıstrge dúrkindetip atatyn zymyran kesheni júıesin qurý jumysy kórsetildi.
Qarýly Kúshterdiń memlekettik qorǵanys tapsyrysyn oryndaýda otandyq qorǵanys-ónerkásiptik kesheni kásiporyndarynyń mańyzy zor. Qazaqstandyq kásiporyndar áskerı tehnıkanyń edáýir bóligine jóndeý jáne basqa da qyzmet túrlerin kórsetedi.
Qarýly Kúshterdiń múddesi úshin memlekettik qorǵanys tapsyrysynyń kóbin otandyq qorǵanys-ónerkásiptik kesheni kásiporyndary qamtamasyz etetinin atap ótken jón.
Petropavl garnızonyna jasaǵan saparynda Qorǵanys mınıstri kásiporyn ókilderiniń nazaryn óndiristi odan ári jetildirýge jáne shyǵarylatyn qurylǵylar men olardyń sapasyna aýdardy.
Shýchınsk qalasynda Qorǵanys mınıstri kolej kadetterimen kezdesti. Shoqan Ýálıhanov atyndaǵy Qorǵanys mınıstrliginiń áskerı koleji – kásibı serjanttar mektebi. Bul jerde kishi komandırlerdi daıarlaý boıynsha bilim berý baǵdarlamalary iske asyrylady.
Kolejge sapary barysynda general-polkovnık Rýslan Jaqsylyqov kadettermen kezdesip, olardyń turmys jaǵdaıymen, tamaqtandyrýdy uıymdastyrýmen, sondaı-aq bolashaq komandırlerdi tolyqqandy kásibı daıarlaý úshin qajetti oqý-materıaldyq bazamen jáne arnaıy synyptarmen tanysty.