Erkin kúresten jarystyń alǵashqy kúninde qorjynǵa 2 altyn, 1 qola túsken edi
Qazaqstandyq Rızabek Aıtmuhan (92 kg) pen Júsip Batyrmurzaev (125 keli) erkin kúresten Azıa chempıonatynda kúmis júldeger atandy, dep habarlaıdy Almaty-akshamy.kz QazAqparatqa silteme jasap.
Rızabek Aıtmuhan fınalda japonıalyq Arash Ioshıdaǵa ese jiberip, kúmis júldege ıe boldy.
19 jastaǵy qazaqstandyq jartylaı fınalda bahreındik Magomed Sharıpovty jeńse, shırek fınalda qyrǵyzstandyq Mırlan Shynybekovti qapy qaldyrǵan edi.
Eske salsaq, almatylyq balýan aqpanda Qazaqstannyń VI jazǵy spartakıadasynda Ábdimanap Baıgenjeevti utyp, chempıon atanǵan edi.
Al Júsip Batyrmurzaev fınalda mońǵolıalyq Menhterın Lhagvagerel kezdesti. Beldesý barysynda qarsylasyna ese jiberip, kúmis júldeni qanaǵat tutty.
Qazaqstandyq balýan alǵashqy jekpe-jeginde úndistandyq balýandy jeńse, jartylaı fınalda ózbekstandyq Sardorbek Holmatovtyń jaýyrynyn jerge tıgizdi.
Júsip byltyr Almatyda reıtıńtik Bolat Turlyhanov týrnırinde ózbekstandyq balýandy taza utqan edi.
Qazirge deıin el quramasynan búgin Darhan Esenǵalı (74 keli) chempıondyq tuǵyrǵa kóterildi.
Al Azamat Dáýletbek el qorjynyna tórtinshi altyndy saldy.
Eske salsaq, erkin kúresten jarystyń alǵashqy kúninde qorjynǵa 2 altyn, 1 qola tústi.