Jańa laýazym.
Qazaqstan Respýblıkasy Úkimetiniń Qaýlysymen Asqar Qýanyshuly Ýmarov QR aqparat jáne qoǵamdyq damý vıse-mınıstri qyzmetine taǵaıyndaldy, dep habarlaıdy Almaty-akshamy.kz.
Bul týraly QR Premer-Mınıstriniń Baspasóz qyzmeti habarlaıdy.
Asqar Ýmarov 1976 jyly Almatyda týǵan. Turan ýnıversıtetin bitirgen.
1997-1998 jyldary — «Mádenıet máseleleri jónindegi respýblıkalyq ǵylymı ortalyqtyń» áleýmettik-ekonomıkalyq máseleler sektorynyń jetekshi mamany.
1998-1999 jyldary — «Qazaqstannyń shaǵyn bıznesi» jýrnalynda marketıń jónindegi maman.
2001-2005 jyldary — «Novostı nedelı» RG» JSHS tilshisi.
2005-2006 jyldary — «Qazaqstan» RTRK» AQ – «Astana» TRO fılıaly Aqparattyq-taldaý baǵdarlamalary dıreksıasynyń Almaty búrosynyń shef-redaktory.
Ár jyldary jeke uıymdarda basshylyq qyzmetter atqarǵan. 2008-2010 jyldary — «Nur-Medıa» JSHS dırektory, bas dırektorynyń orynbasary. 2011-2013 jyldary — «Túrki akademıasy» KEAQ vıse-prezıdenti.
2014 jyly — «Astana EKSPO-2017» UK» AQ basqarýshy dırektory. 2016-2017 jyldary — qoǵamdyq qordyń prezıdenti.
2017-2020 jyldary — «QazAqparat» HAA JSHS bas dırektory.
2020 jylǵy qańtardan bastap qazirgi ýaqytqa deıin — «QazAqparat» HAA AQ basqarma tóraǵasy.