Er adam óziniń kinásin moıyndady.
Ol reseılik jolaýshyny Almaty áýejaıynan Markov kóshesine aparyp tastaǵany úshin 400 eýro alǵan, dep habarlaıdy Almaty-akshamy.kz
Osy jyldyń 3 mamyrynda saǵat 17.00-de Almaty qalasynyń áýejaıyndaǵy jelilik polısıa bóliminiń kezekshi bólimine Reseı Federasıasynyń 30 jastaǵy azamaty aryzdanyp, Almaty qalasy áýejaıynyń taksı júrgizýshisine qatysty shara qabyldaýdy suraǵan.
Jedel izdestirý is-sharalary barysynda aryz berýshini dittegen jerine jetkizip tastaǵan "Mersedes-Bens" avtokóligi men onyń ıesi anyqtaldy.
Jaýap alý kezinde er adam óziniń kinásin moıyndap, reseılik azamatqa aqshalaı qarajatty tolyq kólemde qaıtaryp berdi.
Osy fakt boıynsha quqyq buzýshyǵa qatysty QR ÁQBtK-niń 449-baby 2-tarmaǵy boıynsha ákimshilik hattama toltyryldy.
Almaty qalasynyń mamandandyrylǵan ákimshilik sotynyń sheshimimen er-azamatqa 21 150 teńge kóleminde aıyppul salyndy.