Elaralyq kelisim jasalyp jatyr.
Qazaqstan men Sıngapýr arasynda tikeleı áýe qatynasyn ashý boıynsha kelissózder júrgizildi, dep habarlaıdy Almaty-akshamy.kz
Ushý geografıasyn keńeıtý jáne halyqaralyq reısterdi ulǵaıtý sheńberinde Qazaqstan men Sıngapýr arasynda tikeleı áýe qatynasyn ashý boıynsha jumys júrgizilip jatyr. Osylaısha, Qazaqstan men Sıngapýrdyń avıasıalyq bılik organdary beıne-konferens baılanys arqyly kelissózder júrgizdi.
Qazaqstandyq delegasıany QR IIDM Azamattyq avıasıa komıtetiniń tóraǵasy Talǵat Lastaev, Sıngapýr delegasıasyn Azamattyq avıasıa basqarmasynyń bas dırektory Han Kok Hýan basqardy.
Kelissózder barysynda qazaqstandyq tarap tikeleı reısterge qyzyǵýshylyq tanytyp, sıngapýrlyq áýe kompanıalarǵa Qazaqstandaǵy «ashyq aspan» rejımin, onyń ishinde áýe erkindiginiń «besinshi dárejesi» quqyǵyn paıdalanýdy usyndy. Sıngapýrlyq tarap «ashyq aspan» rejımin quptap, bul usynys óz áýe kompanıalarymen pysyqtalatynyn habarlady.
Taraptar 2023 jylǵy shildede sıngapýrlyq áýe kompanıalar men «Sıngapýr-CHangı áýejaıynyń» qatysýymen ótetin kezdesý sheńberinde áýe qatynasyn ashý máselelerin talqylaýdy jalǵastyrýǵa kelisti. Bul rette Sıngapýr tarapy ózderiniń Azamattyq avıasıa akademıasynda oqýdan ótý múmkindigin habarlady. Sondaı-aq qazaqstandyq tarap «Eır Astana» áýe kompanıasynyń elder arasyndaǵy ushýlardy oryndaýdy bastaý josparyn quptady.