Kazakh Tourism bastamasymen jáne QR Týrızm jáne sport mınıstrligi men "Atameken" UKP qoldaýymen uıymdastyrylǵan "Úzdik jaǵajaı" baǵdarlamasynyń qorytyndysy shyǵaryldy, dep habarlaıdy aqshamnews.kz
Baıqaýdyń negizgi maqsaty – elimizdegi sý aıdyndarynda qyzmet kórsetýdiń jáne qaýipsizdik standarttaryn arttyrý.
Bıyl saraptamalyq komısıanyń nazaryna óńirlerden 30 astam jaǵajaı usynyldy. Onyń ishinde jekemenshik ári qalalyq jaǵajaılar boldy. Baǵalaý QR ST 3013-2017 ulttyq standartyna sáıkes júrgizildi jáne halyqaralyq Blue Flag baǵdarlamasynyń jekelegen krıterııleri eskerildi.
İrikteý kezinde akvatorıanyń qaýipsizdigi, sanıtarlyq jaǵdaıy men ınfraqurylymy, qutqarýshylar men medısınalyq beketterdiń bolýy, sýǵa kirýdiń yńǵaılylyǵy, aýmaqty josparlaý, sýdyń sapasyn turaqty túrde baqylaý jáne qoqysty bólek jınaý, kún energıasymen jumys isteıtin dýsh kabınalary, ekologıalyq bilim berý is-sharalaryn qamtıtyn ekologıalyq bastamalar esepke alyndy.
Saraptamalyq komısıanyń baǵalaýy boıynsha TOP-3 úzdik jaǵajaıy anyqtaldy. Olar jınaýǵa múmkin bolǵan 170 bal boıynsha joǵary kórsetkishterdi ıelendi:
Wyndham Garden Beach (Aqmola oblysy, Býrabaı k.) –166 bal;
№5 qalalyq jaǵajaı (Almaty oblysy, Qonaev q.) – 145,5 bal;
Ortalyq jaǵalaý (Pavlodar oblysy, Pavlodar q.) – 145 bal.
Úzdik jaǵajaılar taza ári qaýipsiz akvatorıasymen, damyǵan ınfraqurylymymen (kıim aýystyratyn bólmeler, dýsh kabınalary, demalys aımaqtary, dámhanalar), balalarmen keletin otbasylarǵa qolaılyǵymen, tabıǵatty saqtaý maqsatyndaǵy ekologıalyq sheshimderdi jáne bastamalardy qoldanýmen erekshelendi.
Sonymen qatar saraptamalyq komısıa Aqmola (Shýchınsk q., Býrabaı k., Zerendi a.), Qostanaı, Mańǵystaý, Atyraý, Qaraǵandy, Qyzylorda oblystaryndaǵy jaǵajaılar boıynsha ótinimderdi qarady. Olar boıynsha ákimdiktermen jáne bıznes qaýymdastyqpen birge ulttyq jáne halyqaralyq standarttarǵa sáıkestendirý jumystaryn júrgizý josparlanǵan.
"Úzdik jaǵajaı" baǵdarlamasy – bul elimizdiń eń úzdik jaǵajaılaryn anyqtaý ǵana emes, sonymen qatar óńirlerdi ózderiniń demalys aımaqtaryn halyqaralyq standarttarǵa sáıkes damytýǵa yntalandyrý. Aqmola, Atyraý, Qostanaı, Qaraǵandy jáne Almaty oblystarynyń óńirlik kásipkerler palatalary men ákimdikterine belsendi áriptestik tanytyp, bizdiń bastamany qoldaǵandary úshin alǵys bildiremiz. Úzdik TOP-3 qazirgi jaǵajaıdyń qandaı bolýy qajet ekendigin kórsetedi: qaýipsiz, yńǵaıly jáne ekologıalyq taza", – dep atap ótti "Kazakh Tourism" UK" AQ basqarma tóraǵasynyń mindetin atqarýshy Danıel Serjanuly.
Aıta keteıik, "Úzdik jaǵajaı" baǵdarlamasy jyl saıyn ótkiziletin bolady.