Elimizdiń túkpir-túkpirinen arman qýyp megapolıske kelgen jas talapkerler úshin eń ózekti máseleniń biri – baspana. Osy oraıda, M.Tynyshbaev atyndaǵy ALT ýnıversıtetiniń №4 stýdentter úıinde jańa Daǵdarys ortalyǵynyń resmı ashylýy ótti.
Jastardyń áleýmettik beıimdelýine arnalǵan qoldaý alańy
Bul bastama Qazaqstan Respýblıkasy Ǵylym jáne joǵary bilim mınıstrliginiń jáne Almaty qalasy ákimdiginiń qoldaýymen júzege asyrylyp otyr. Jańa ortalyqtyń basty maqsaty – qıyn jaǵdaıǵa tap bolǵan stýdentterge ýaqytsha baspana berý, áleýmettik qoldaý kórsetý jáne olardyń qaýipsiz ortada bilimin jalǵastyrýyna jaǵdaı jasaý. Bes qabatty ǵımaratta ornalasqan ortalyqta stýdentterdiń turmys-tirshiligine qajetti barlyq jaǵdaı qarastyrylǵan. Ár bólmede jeke sanıtarlyq bólme men yńǵaıly tósek- oryn bar.
Sonymen qatar, medısınalyq kómek kórsetetin pýnkt, as ázirleýge arnalǵan arnaıy bólme jáne demalys aımaqtary jabdyqtalǵan. Munda 50 oryn daıyndalǵan. Jobanyń ereksheligi – ortalyq tek ýaqytsha baspana ǵana emes, stýdentterdiń áleýmettik beıimdelýine arnalǵan qoldaý alańy bolmaq. Megapolıske jańadan kelgen jastar turaqty jataqhana nemese páter tapqansha osy jerde tura alady.
ALT ýnıversıtetiniń bazasynda mundaı bastama buǵan deıin de júzege asqan bolatyn. Sońǵy úsh jylda ondaǵan stýdent osyndaı ortalyq arqyly baspanamen qamtylyp, alǵashqy kúnderindegi qıyndyqty eńsergen. Jańa nysannyń ashylýy onyń múmkindigin keńeıtip, áldeqaıda kóbirek stýdentke qoldaý kórsetýge jol ashady. Daǵdarys ortalyǵynyń ashylýy – jastarǵa jasalǵan naqty qamqorlyqtyń aıqyn kórinisi. Bul bastama olardyń úlken qalaǵa beıimdelýin jeńildetip qana qoımaı, bilimin úzbeı jalǵastyrýyna múmkindik beredi.
• Almatyda stýdentterge arnalǵan jańa Daǵdarys ortalyǵynyń ashylýy – jastarǵa degen memlekettik qoldaýdyń taǵy bir jarqyn qadamy bolyp otyr.
Aqerke ABYLAIHAN, QR Ǵylym jáne joǵary bilim mınıstrligi komıtet tóraǵasynyń orynbasary:
NAQTY KÓMEK ÚLGİSİ
Búgin ashylyp jatqan daǵdarys ortalyǵy – jastarǵa naqty kómek kórsetýdiń úlgisi. Sonymen qatar, Almaty qalasynda stýdentterge oryn tapshylyǵy máselesi bar ekenin de jasyrmaımyz. Jalpy Qazaqstan boıynsha jataqhanaǵa degen suranys sheshilgenimen, Almatyda tapshylyq saqtalady dep boljap otyrmyz. Mysaly, ótken jylmen salystyrǵanda Almatydaǵy JOO-lardy tańdaǵan túlekterdiń sany 1600-ge artqan. Byltyr 44 myń túlek bitirse, bıyl 55 myń túlek támamdady. Bul – stýdentter sany jyldan-jylǵa ósip kele jatqanyn kórsetedi. Saraptamaǵa sáıkes, Almatyda shamamen 8 myń oryn jetispeýi múmkin. Bul degenimiz, stýdentter dalada qalady degen sóz emes. Joǵary oqý oryndary jekemenshik qonaqúıler men hosteldarmen kelisim- shart jasasyp, stýdentterdi sol jerge ornalastyrady. Sonymen qatar, jataqhanaǵa birinshi kezekte áleýmettik osal toptarǵa jatatyn jastar (jetim balalar, kópbalaly otbasynan shyqqandar, qandastar) jáne birinshi kýrs stýdentteri ornalastyrylady. Sebebi, úlken qalaǵa aýyldan kelgen jastarǵa eń áýeli qoldaý qajet.
Merýert JARMAǴANBETOVA, Muhamedjan Tynyshbaev atyndaǵy ALT ýnıversıtetiniń prezıdent-rektory:
TAPTYRMAS MÚMKİNDİK
Biz úshin stýdentterdiń qaýipsizdigi men jaǵdaıy – basty nazarda. Bul ortalyqty úshinshi jyl qatarynan uıymdastyryp kelemiz. Jańa oqý jyly qarsańynda elimizdiń túkpir- túkpirinen jastar Almatyǵa keledi. Ásirese, alǵashqy kúnderi olardyń qaıda turatyny ata-analar úshin de, ózderi úshin de úlken ýaıym. Ortalyqtyń negizgi mindeti – stýdentterdi ýaqytsha tegin ornalastyrý. Olar táýliktiń kez kelgen ýaqytynda – túnde, tańerteń nemese keshkisin kele alady. Bastysy, qınalǵan sátte olar jalǵyz qalmaıdy. Bizde shamamen 55 oryn qarastyrylǵan. Munda Almatydaǵy kez kelgen stýdent ornalasa alady, qaı ýnıversıtettiń stýdent i eken i mańyzdy emes . Stýdentter bul jerde turaqty páter tapqansha nemese jataqhanaǵa ornalasqansha ýaqytsha turady.
Ázız QAJDENBEK, Almaty qalasy Jastar saıasaty basqarmasynyń basshysy:
STÝDENTTERDİ BASPANAMEN QAMTÝ – EREKSHE BAQYLAÝDA
Qala ákimi Darhan Amangeldiuly stýdentterdi jataqhanamen qamtý máselesin erekshe baqylaýda ustap otyr. Jaqynda mınıstrmen birge Jol kartasyna qol qoıyldy. Ol qujatta Almatydaǵy stýdentter máselesin sheshýge arnalǵan naqty qadamdar kórsetilgen. Biz jyl saıyn monıtorıń júrgizemiz. 27 maýsym kúni alǵashqy keshendi tekserý ótkizdik. Endi jańa oqý jyly qarsańynda taǵy da tekserýler júrgiziledi. Qoǵam belsendileri, depýtattar, BAQ ókilderimen birge jataqhanalardyń jaǵdaıyn qarap, stýdentterge qanshalyqty jaǵdaı jasalǵanyn
