Almaty oblysynda qarý-jaraq saqtalǵan oryn anyqtaldy, dep habarlaıdy Almaty-akshamy.kz Polisia.kz-ke silteme jasap.
Jedel izdestirý is-sharalaryn ótkizý barysynda Almaty oblysy PD EQİQB qyzmetkerleri óńirdegi UQKD mamandarymen birlesip, Qonaev qalasyndaǵy orman jolaǵynan qarý-jaraq saqtalǵan oryndy anyqtady. Qytaı sómkesiniń ishinen 12 mm vınchesterdiń 2 birligi, 223 Rem BENELLI myltyq karabıni, 16 mm eki uńǵyly kesilgen ańshylyq myltyq jáne bir uńǵyly kesilgen myltyq tabyldy.
Sonymen qatar gaz tapanshasy, F-1 eki jaýyngerlik granata, 440 dana 7,62 mm kalıbrli jáne 18 dana 12 kalıbrli patrony bar temir qorap, sondaı-aq oq ótpeıtin jılet tárkilendi.
Atalǵan derek QR QK-niń 287-babynyń 3-bóligi boıynsha Qonaev qalasy PB-ǵa tirkeldi. Qajetti saraptamalyq tekserýler taǵaıyndaldy jáne tergeý júrgizilip jatyr.