Ortalyq qurylysy keler jyldyń sońynda aıaqtalady
Almatyda Qazaqstan telearnasy ǵımaratynyń ornyna jańa medıaortalyq salynady, dep habarlaıdy Azattyq Ruhy.
Qalalyq ákimdiktiń baspasóz qyzmeti habarlaǵandaı, Qazaqstan telearnasynyń buzylǵan ǵımaratynyń ornynda zamanaýı medıaortalyqtyń qurylysy bastaldy.
«Ortalyq qurylysy keler jyldyń sońynda aıaqtalady. Sonymen qatar qala ákimdiginiń ǵımaratyn qalpyna keltirý jumystary jalǵasyp jatyr. Aıaqtalý merzimi – 2023 jyldyń 2-toqsany», - delingen habarlamada.
Vedomstvo ókilderi Almaty turǵyndarynyń qaýipsizdigin qamtamasyz etý úshin adam kóp jınalatyn oryndarǵa jyl sońyna deıin 3050 beınekamera ornatylatynyn, bıyl osy maqsatta qosymsha 16,8 mlrd teńge bólingenin atap ótti.
Aıta keteıik, 5 qańtardaǵy tártipsizdik kezinde Almatydaǵy Qazaqstan telearnasynyń keńsesine shabýyl jasalyp, qasaqana órt qoıylǵan bolatyn. Sonyń saldarynan Qazaqstan telearnasynyń jyldar boıyna jınaǵan muraǵattyq jazbalarynyń baǵa jetpes, túpnusqadaǵy aýdıo-beıne qorynyń biraz bóligi joıylyp ketti.