Amerıkalyq zeınetker álemdi úsh jyl boıy sharlaıtyn krýızge barýdy armandap, týr satyp aldy. Ol úshin úıin satty. Alaıda krýız oryndalmaıtyn boldy. Bul týraly Daily Star basylymy jazady, - dep habarlaıdy almaty-akshamy.kz. .
2023 jyldyń qarasha-jeltoqsan aılarynda Ystambuldan shyǵyp, úsh jylda 135 elge sapar shegýi tıis MV Gemini krýızdik kemesimen álem boıynsha alǵashqy úsh jyldyq saıahat bolýy kerek edi.
Florıdalyq (AQSH) zeınetker ótken qysta kemeniń jetinshi qabatyndaǵy balkony bar eń sándi páterlerdiń birine tapsyrys berdi. Ol krýız kezinde jańa dos taýyp, saıahat oǵan áleýmettik ortalyqqa aınalady dep úmittengen. Týr oǵan 29,9 myń dollarǵa (qazirgi baǵam boıynsha 13,7 mln teńge) tústi jáne bul onyń jyljymaıtyn múlkin satýdan túsken aqshanyń jartysy.
Krýız kompanıasynyń ıesi Vedat Ýgýrlý týrıserden keshirim surap, kúrdeli saıası jaǵdaıǵa baılanysty júzýdiń kelesi jylǵa shegerilgenin habarlady. Bul sheshim aqshasyn armandaǵan saparǵa salǵandar úshin qarjylaı qıyndyqtar týǵyzdy.