Aýa raıyna baılanysty 5G bazalyq stansalaryn ornatý merzimi keıinge shegerilýi múmkin. Bul týraly Sıfrlyq damý, ınovasıalar jáne aeroǵarysh mınıstri Baǵdat Mýsın aıtty, dep habarlaıdy almaty-akshamy.kz.
«Bazalyq stansalardy ortatýmen baılanys operatorlary anıalysady. Mınıstrlik radıojılikterdi berdi jáne lısenzıalyq mindettemelerdiń oryndalýyna baqylaý jasaıdy. Baılanys operatorlary alǵan lısenzıalyq operatorlar osy jylǵa oryndaldy jáne 700-den astam bazalyq stansa ornatyldy. Degenmen, operatorlardyń jospary boıynsha shamamen 1 myń bazalyq stansa bolatyn. Qazirgi ýaqytta operatorlar jumys istep jatyr. Alaıda, aýa raıy jaǵdaıyna baılanysty merzimi azdap keıinge ysyrylýy múmkin», - dedi Baǵdat Mýsın vedomstvodan ótken brıfıńte agenttik tilshisiniń saýalyna oraı.
Onyń atap ótýinshe, kelesi jyly bazalyq stansalardy ornatý qarjyly jedeldetilýi tıis.
«Árbir bazanyń tasasynda brıgadalar tur. Olar aıazǵa qaramastan baryp, kelisip júr. Jalpy, negizgi problema brıgadalarda emes. Negizgi problemalar – bazalyq stansa ornatylatyn oryndy tabý, turǵyndarmen kelisý, ornatýǵa ruqsat alý. Menińshe, baılanys operatorlary kelesi jyly bazalyq stansalardy joǵary qarqynmen ornatýy tıis», - dedi mınıstr.