Budan buryn UQK tóraǵasynyń orynbasary Rýslan Seısembaev keseneni terrorıster jaryp jibermek bolǵanyn aıtqan.
Túrkistan oblysynyń ákimi Darhan Satybaldynyń málimdeýinshe, Qoja Ahmet Iassaýı kesenesi arnaıy kúzet qyzmetiniń baqylaýyna ótedi, dep habarlaıdy Almaty-akshamy.kz
UQK tóraǵasynyń orynbasary Rýslan Seısembaevtiń aıtýynsha, búginde Qazaqstanda terorıstik qaýip áli de artyp otyr. Jyl saıyn kem degende eki terorıstik shabýyl jasalyp turady.
Búgin Darhan Satybaldy keseneniń qaýipsizdigi qazir Úkimet deńgeıinde talqylanyp jatqanyn aıtty. Onyń sózinshe, «kepildikti eshqashan eshkim bere almaıdy».
«Kim ne oılap júrgenin eshkim bilmeıdi. Ondaı oqıǵa aqpan aıynda oryn aldy. Men ony ózim de BAQ arqyly estidim. Meniń bilýimshe, Tájikstannyń ba, basqa eldiń azamaty sondaı is-qımyl jasaǵan dep estidim. Endi olar mynaý basqa aǵymdaǵy azamattar shyǵar. Onyń kózqarasyn, nege ondaı sheshimge kelgenin bilmeımin. Keıbireýler aıtady: «Serik qosasyń, taǵy basqa nárseler» deıdi. Oǵan men ne oı, ne úshin oǵan barǵanyn aıta almaımyn», – dedi aımaq basshysy.
Darhan Satybaldy kesene qaýipsizdigi boıynsha Úkimetke hat jazǵanyn da aıtty.