Kúshtiligi on eki paıyzdan tómen álsiz gradýsty lıker-araq ónimderiniń qańyltyr ydysyna esepke alý-baqylaý markalaryn japsyrý boıynsha ózgerister engizildi, dep habarlaıdy Almaty-akshamy.kz
Bul týraly Qazaqstan Respýblıkasy Qarjy mınıstrligi Memlekettik kirister komıtetinde habarlady.
Qazaqstan Respýblıkasynyń «Etıl spırti men alkogól óniminiń óndirilýin jáne aınalymyn memlekettik retteý týraly» Zańynyń 9-babynyń 2-tarmaǵyna sáıkes qańyltyr ydysta kúshtiligi on eki paıyzdan tómen álsiz gradýsty lıker-araq ónimderiniń aınalymy ruqsat etiledi. Sonymen birge, Salyq kodeksiniń 172-baby 2-tarmaǵyna sáıkes, tolysylǵan sharapty jáne syra qaınatý ónimin qospaǵanda, alkogól ónimi esepke alý-baqylaý markalarymen tańbalanýy tıis.
Qańyltyr ydysy (metal bankasy) úshin ydystyń qaqpaǵyna esepke alý-baqylaý markalaryn japsyrý boıynsha talaptyń oryndalýy múmkin emes, óıtkeni tutyný ydysyn ashý kezinde esepke alý-baqylaý tańbasynyń tutastyǵyn buzý talabyn saqtaý múmkin emes. Mundaı talaptar esepke alý-baqylaý markasyn qaıta paıdalanýdy boldyrmaý maqsatynda belgilengen bolatyn.
Osyǵan baılanysty erejege qańyltyr ydystyń qaqpaǵyna esepke alý-baqylaý markasyn japsyrý talabyn alyp tastaıtyn túzetý engizildi. Qańyltyr ydysta marka búıirlik betke japsyrylady jáne onyń sáıkestendirý shtrıh-kodynyń aqparatyn oqylýdy qamtamasyz etýi kerek.
2023 jylǵy 14 qarashada «Tolysylǵan sharap (sharap materıalyn) jáne syra qaınatý ónimderin qospaǵanda, alkogól ónimin esepke
alý-baqylaý markalarymen tańbalaý (qaıta tańbalaý) qaǵıdalaryn, sondaı-aq esepke alý-baqylaý markalarynyń nysanyn, mazmunyn jáne qorǵaý elementterin bekitý týraly» Qazaqstan Respýblıkasy Qarjy mınıstriniń 2018 jylǵy 8 aqpandaǵy № 143 buıryǵyna ózgerister engizildi. Ózgerister alǵashqy resmı jarıalanǵan kúnnen keıin kúntizbelik on kún ótken soń kúshine enedi.