Almatyda qoǵamdyq kólik júrgizýshileriniń qaýipsizdigi kúsheıtiledi. Qalalyq ákimdik ár kólikke 3-4 baqylaý kamerasyn ornatpaq, dep habarlaıdy almaty-akshamy.kz.
Sebebi sońǵy ýaqytta avtobýs júrgizýshilerin uryp-soǵý, balaǵattaý, olarǵa dórekilik kórsetý jaǵdaılary jıilep ketken.
Sondaı-aq júrgizýshini alańdatpas úshin qolma-qol tólem jasaýǵa tyıym salynbaq.
Sáıkesinshe tólemdi onlaın jasaý úshin arnaıy QR-kodtar men valıdatorlar kóbirek qoıylady.
"Arnaıy esigi bolady, jabýly turady. Sosyn biz bıyldan tamyz aıynan bastap qoǵamdyq kólikte qolma-qol aqsha berýdi toqtatýǵa jumys jasap jatyrmyz. Óıtkeni kóp jaǵdaıda biz zerdeleı kele jolaýshy men júrgizýshi arasyndaǵy kelispeýshilik aqshany bergen kezde ony qaıtarýy osy kezde kóptegen oqıǵalar bolyp jatyr", - deıdi qalalyq mobıldilik basqarmasynyń bólim basshysy Azamat Eshanqul.
Mamannyń sózinshe keıde erejeni eskermeı, tártip buzatyn júrgizýshiler qaıta oqytylady.
Óıtkeni qoǵamdyq kólik jolaýshylar úshin qolaıly ári qaýipsiz transport bolýy kerek. Alaıda turǵyndardyń da ýáji bar.