Almaty qalalyq Qoǵamdyq keńesi tóralqasynyń músheleri Qazaqstan Respýblıkasy Senatynyń depýtattarymen kezdesti.
QR Parlamenti Senatynyń depýtaty Nurtóre Júsip Joǵary palatanyń atqaryp jatqan jumystary týraly, qoǵamdyq keńesterdiń ınstıtýsıonaldyq tuǵyrnamasynyń mańyzdylyǵy týraly habardar etti.
Óz kezeginde qoǵamdyq keńes músheleri dıalog alańdary, qoǵamdyq monıtorıń, qoǵamdyq tyńdaýlar, turǵyndarmen kezdesý jáne densaýlyq saqtaý, medısına qyzmetkerleriniń biliktiligin arttyrý, ekologıa jáne kólik, sportty damytý jáne basqa da is-sharalardyń nátıjeleri boıynsha usynystar aıtty.
Qaladaǵy SHOB sýbektileri jáne jastar arasynda esirtki tutynýdyń aldyn alý boıynsha sharalar kesheniniń qajettiliginiń jaıy ortaǵa salyndy. Sondaı-aq qoǵamdyq keńestiń tıimdi jumys isteýi úshin qajetti jaǵdaılar týraly baıandaldy.
Barlyq aıtylǵan usynystar Qazaqstan Respýblıkasy Senatynyń depýtattarymen talqylandy. Shara nátıjesinde turǵyndardyń pikirin eskerý úshin, atalǵan máselelerdiń bir bóligi Qoǵamdyq keńesten Qazaqstan Respýblıkasy Parlamentiniń Senatyna jiberiletin bolady.